السلام عليكم
فى حياتنا ناس كتير بتلعب دور الاراجوز
زى صاحبك وقت ما بيشوف بنت حلوة
أو البنات اللى ماشية فى الشارع (و تحط نص كيلو بودرة على وشها)
بس عادى مش ده قصدى
الأراجوز هو فن شعبى ازدهر فى مصر أواخر العصر المملوكى و كان وسيلة لتسلية الناس و كان يعبر عن الأحوال السياسية
عرفتو أنا قصدى مين...
أيوه قصدى باسم يوسف
.هذا الشخص قام بتسلية الناس ، و تحدث
عن الاحوال السياسية
عن الاحوال السياسية
طب إيه الجديد فى هذا المقال؟؟
كلنا عارفين ده
الجديد هو سؤال بسيط:
مين الأراجوز الحقيقى؟؟
فى واحد بيرد مش انت لسه كاتب باسم يوسف
أجاوب أه
بس هو بيجيب حاجة من عنده و لا حاجة من عند المشايخ السياسين؟؟؟
أوضحلك أكتر
هو بيتفرج على خطابات الرئيس(و بيستحمل لحد الاخر)
و بيسمع كل الردود من كل المشايخ السياسين
و برده مش همه
يقوم هما يضايقوا أكتر
فيشتموا و يطلعوا بره الدين
يقوم وقتها يفضحهم
الرئيس مثلا
يطلع خطاب محدش يفهم منه حاجة (اللى بيفهم يا ريت يترجملنا الخطابات دى)
يقوم فريق العمل بتاع البرنامج يتابع الخطاب
و يحاول يساعدنا فى الترجمة
و معظم الخطابات بتبقى كوميدية و مسلية و تتحدث عن الحياة اللى بنعيشها
استنى لحظة انا قلت الكلام ده فين
بص فوق كده هتلاقى تعريف الأراجوز
و ده معناه أن الرئيس مرسى أراجوز( مش كده)
نيجى للمشايخ السياسين
هما عمالين يتكلموا فى حاجة ممنوع حد يتكلم عنها بغير علم اللى هى السياسة
فلازم يغلطوا
و أما يغلطوا إحنا بنضحك على غبائهم
مش كده ينفع يوصل لمعنى الأراجوز؟؟
من الاخر
إذا كان باسم يوسف أراجوز
فاللى بيتريق عليهم أراجوزات أكبر منه
و هو بيخلصلنا الحوار فى ساعة ونص
قبل ما أختم
انا بحب النقد لكن مش بحب الشتيمة
إذا شتمت و كنت من مؤيدين باسم هطلب منك باحترام حذف التعليق
إذا شتمت و كنت من معارضين باسم إنت كده بتأكد كلامى أكتر
0 comments:
إرسال تعليق