سلطة سياسية

السلام عليكم

بسبب الأحداث السياسية،هضطر أن أكتب فى السياسة،فالرد يكون بإحترام.

الدستور

الحمد لله اتكتب دستور بكل تأكيد أحسن من بتاع الإخوان،فى ناس قاطعت كتير مش فارقة،هتقولى دستور دم،هقولك دستور الإخوان كان بعد أحداث محمد محمود،هتقولى كان فى وقت (تقريبا شهر)،هقولك ست شهور بين رابعة و الاستفتاء.

كل كلامك ينطبق عليك بالمللى،فحدد بالضبط أنت مقاطع ليه.

لو قاطعت الاتنين اتكلم،غير كده اتلهى على جنب.

شباب الثورة

كان سبب تخلف اوروبا إن الكهنة فاكرين نفسهم ألسنة الإله،و لا أحد سواهم.

نفس الحوار على الإخوان،و نفس الحوار على الشباب،بس فى حالة الشباب هم لسان الثورة.

بالنسبة لى المفروض ياخدوا علقة،بالنسبة لوالدى و الببلاوى المفروض نفهمهم لأنهم عيال.

عدلى منصور

أحد الأشخاص الهادئين الباردين الموزون كلامهم،بيتكلم بهدوء و بحكمة،بيحافظ على مواعيده،وبيتكلم بإختصار،عدد كبير عايزينه يترشح.

الأحزاب السياسية

تلخصت فكرة الأحزاب السياسية عند المواطن البسيط أن الأحزاب دى ناس حرامية عايزة تستغفله،و لما فاق الشعب هم زعلوا لأن فى دهب متسرقش،و أنا مقتنع تماما بهذه الفكرة،امتى يكون عندنا حزب قوى؟

الإجابة:لما نكون دولة قوية ذو مناخ يتسم بالحرية

الحرية و يسقط حكم العسكر

كل الناس بيقولو فين الحرية،يسقط حكم العسكر،مع أنهم واخدين حقوقهم و الدولة عايزة واجباتهم،الحرية يعنى حقوق تاخدها مقابل واجبات تعملها،لو معملتش اللى عليك،يبقى ملكش حقوق،اما عن حكم العسكر،أعتقد ان احنا مش فى حكم عسكر حاليا

محمد مرسى

يصف بكلمة منافق عن جدارة لأنه حقق الحديث الشريف

قال رسول الله صلى الله عليه و سلم(اية المنافق ثلاث إذا حدث كذب و إذا وعد أخلف و إذا أؤتمن خان)صدق رسول الله صلى الله عليه و سلم

إذا حدث كذب

و إذا وعد أخلف

قولوا وعد لمرسى و نفذه،هتقول الشعب و المظاهرات،هقولك تدخل فى السلطة القضائية بعد وعده بإحترامها.

و إذا أؤتمن خان

هو نهر النيل من مصر،و هو الوحيد اللى متكلمش فى اجتماع سد النهضة الفاضح،مش كده؟

أحمد شفيق

مش هارشحه مهما يكن لأنه جبان.

عمرو موسى

الراجل فهم الليلة،و قرر ميرشحش نفسه،بس غلط فى حوار المصالحة.

صباحى،حمدين،ابو الفتوح،و اللى زيهم

نشكركم لفضح أنفسكم

السيسى

له كل إحترامى،كنت بتمنى أنه ميترشحش،بس فى ظل الظروف القهرية الأخيرة مفيش حل تانى،أه محدش يجيب سيرة التسجيلات المسربة لقناة الجزيرة؛لأنها بتدعمه من جهة و هى مش فيديو من جهة أخرى

و للحديث بقية