ربع مشكل

نكمل المقال السابق

25 يناير ثورة ام لا؟

جميعنا متفقين أن 25 يناير ثورة،بس بعد جلسة مع نفسى حسيت أن فى غلطة فى الأحداث،حسيت أن 25 يناير مش ثورة او فيها حاجة غلط،و بفضل عبد الرحيم على عرفت ان 25 يناير ثورة بس اللى بدأها خونة.

عبد الرحيم على

شخصية محيرة،بس مشكلته كلامه الكتير،و سر الحيرة إيه مصدر صندوقه،أما عن تسريباته أنا كنت متأكد أن هى فكسانة،بس الحمد لله ربنا هدى نشطاء السبوبة يفضحوا نفسيهم،لما رفعوا دعوى على فودافون بتسجيل مكالمتهم.

باسم يوسف

شخصية أنا كنت محترمها،و دلوقتى خايف عليها،بسبب أن نار الفلوس عمته،ربنا يستر.

دعوة ترشيح السيسى للرئاسة

معظمنا عايز السيسى رئيس،متفق معاك

ناس بيقولوا الدعوات دى تفرق إيه عن دعوات الإخوان،و لا حاجة غير ان احنا مش إخوان،احنا زى شعب مصر أيام عبد الناصر

الحزب السياسى السلفى

الدين مش ناقص تشويه،حددوا انت مجتمعين ليه؟

لو علشان الدين فككم من السياسة،لو علشان السياسة فككم من الدين،و قد أعذر من أنذر.

مبارك

أفضل من شفيق ألف مرة،بس مشكلته أنه خلى اللى حواليه يوصللوا صورة غلط عن الشعب المصرى،يا ريت الرؤساء السابقين يتعلموا الدرس ده

الفلول

بعد ما اتفرجت على فيديو سما المصرى على قناة فلول،أحب أشكرها على فضح بقايا الحزب الوطنى للشعب

الإسلام مع إسلام بحيرى

اتفرجت له على اخر حلقة،و أحب أقوله أن علم الغيبيات زى علم الفيزيا النسبية،المختصين بس اللى يتكلموا،و أنت مش مختص

الرقص

(حرام الستات و الرجالة يرقصوا بعد ما صوتوا فى الإستفتاء)ده رأى الإخوان،بس مش حرام الرشوة و لا التزوير،و لا الرقص بعد تنحى مبارك،و لا بعد ما كسب مرسى،و لا الرقص على أغانى المؤيدة للشرعية،و لا أنت من المطففين؟

حوار الظواهرى و مرسى

قعدت شوية مع نفسى و سألت إزاى الظواهرى يتصل بمرسى،إلا لو كان عارف أن مرسى هيبقى رئيس،و علشان كده لازم مرسى و الإخوان يتحرروا من سجن العقرب،و علشان يطلعوا لازم يكون فى فوضى،و لهذا السبب فى رأى أقيمت ثورة 25 يناير

تأليه السيسى
بجد دى مشكلة عويصة،ابتداء بشوكو ثورة و انتهاء بفضيحة ملجئ الأيتام،صحيح أن معظم الشعب عايزه،بس احنا لازم نعرف الحدود،يإلا مش هنتقدم.