هعمل نفسى إخوانى

السلام عليكم

بعد القرف اللى بنشوفه كل يوم جمعة،قررت أن أهدأ و أراجع نفسى يمكن أكون غلطت.

تعالو نحلل كل تصرفات الرئيس المخلوع محمد مرسى بطريقة مبتكرة

(هتقول قديمة،أقرا لحد الأخر علشان تفهم قصدى لو سمحت)

تقسيم المحافظات وقت الاستفتاء على دستور الإخوان:-مش علشان التزوير،لأ علشان ربنا خلقنا ألوان مختلفة،فبالتالى لازم نستفتى فى أوقات مختلفة.

الإعلان الدستورى المقيد للقضاء:-مش علشان يهرب من البلاوى اللى عليه،ده علشان قضاء فاجر و،قال إيه حكم بالسجن لناس بتدعو للإسام فى سينا بالسلاح و القنابل

تصدير الكهربا لغزة:-مش علشان الأهل و العشيرة،ده علشان مش عايز يجيبهوم مصر و يعيشهم فى شبرا و يزود الزحمة.

عدم وجود ردة فعل وقت ما أعلن البشير أن حلايب و شلاتين سودانية:-مش علشان الأهل و العشيرة،بس علشان ميضايقهوش أدام شعبه

سكوته فى الإجتماع الفاضح بتاع السد:-مش علشان عارف أنه بيتذاع مباشر،ده علشان الحكيم بيسمع جميع الأراء قبل ما يتكلم

كذبه فى وظيفته أمام خيرى رمضان و نادر بكار:-مش علشان هو فاشل،ده علشان لكل مقام مقال

عدم اهتمامه بسد أثيبويا:-مش علشان مش مهتم بمصر،لا ده علشان خايف علينا من الإحتلال الإسرائيلى أصحاب مقولة (من الفرات إلى النيل وطنكم يا بنى إسرائيل)

دلوقتى بعد إيمانى بكل ده،يبقى عادى لما أفجر أو أشوه كنيسة،فدى دعوة للإسلام

عادى لما أقتل شرطة فدول يتبعون القضاء الفاجر

عادى لما أوقف الاستفتاء لأنه بيخلى كل الناس سواسية

عادى لما أضايق من زيارة المشير السيسى لروسيا،لأن الرئيس الروسى ما أحرجش السيسى

طبيعى أن جماعة أنصار بيت المقدس تحرر فلسطين بس الأول تحرر مصر علشان تسيب مكان للفلسطين يقعدوا فيه و ميحسوش بالزحمة

طبيعى أنى أقرفك يوم الجمعة علشان تفتكر ربنا

الحمد لله أنا مش إخوان