نحن شعب يؤمن بثقافة الصينى

السلام عليكم

مرة ركبت المترو،و عدى راجل شايل بضاعة صينى،منها مكنة حلاقة بـ7و نص،مش دى المشكلة

المشكلإن كل حاجة حوالينا صينى،ده حتى ثقافتنا (كدول عربية) بقيت صينى.

ازاى؟

هسألك شوية أسئلة،لو تجرؤ جاوب بنعم.

1-هل ستشترى سماعة بـ3670 جنيه فى حين أن النسخة الصينى منها بـ35 جنيه؟

2-هل أشتريت برنامج على الرغم من وجود كراك أو سريال له ليفعله مدى الحياة مجاناً؟

3-هل تتعب نفسك فى تغيير مكثف الريسيفر بدل من شراء ريسيفر جديد صينى؟

إذا أجبت على الأسئلة بنعم،أطلع بره المقال ده مش ليك.

لو أجبت الأسئلة دى بلا،فأنت مصرى أصيل.

مشكلتنا أن احنا بنستهبل،و نختار الأسهل،و نسيب المضمون،و مشكلة الصينين أن معندهمش نوابغ،بس عندهم مبدأ التعليم من الصغر.

العيل الصينى لما يكبر،الدولة بتعلمه حاجات كهربا،و بعد كده ترميه فى مصنع كهربا يصنع حاجات،اما العيل العربى فمعروفة قصة حياته.

الحل:-

نطلب من الحكومة إنشاء شركات و مدارس فى العلوم الهندسية،علشان نعرف نلحق نسد الماسورة الصينى اللى اتفرقعت فى وشنا.