مجلس قريش 1

إنتخابات مصرية

إعلان:من يريد كورسات طاقة شمسية يتصل على 01012506218

مطلوب منى كتابة مقال عن الانتخابات ، مقال محفوظ عن أهمية نزول الانتخابات و ان نرشح الأحزاب الغير متاجرة ، مع أن بعد قانون رفع الحصانة عن أعضاء مجلس الشعب حل المشكلة دى ، فليكن...هكتبه بطريقتى.

(ملحوظة المؤلف:هناك شخصيات ليس لها علاقة بالواقع ، لكن الحوار هو له كل العلاقة...و شرح الإسقاط بأسفل المقالة)

في ليلة اجتمع كفار قريش برئاسة (أبا الحكم) و كان حوار مجلسهم كالاتى:

أبا الحكم:يا قوم ، إن المصريين يريدون إختيار مجلس حكماء جديد ، مع التدقيق في كل شخص ، فماذا نحن فاعلون.

شخص 1 : نذكرهم بأن رئيسهم تم إنتخابه بلا مخطط يسير عليه.

أبا الحكم:سيقولون بأنه لم يأتي بمخطط ن لكنه أتى بمشاريع ، و لعل أخرها إستئصال الفساد الزراعى و بسببه تأجل عيد الفلاح لعدم وجود وزير زراعة و تناقص حجم طبق الفاكهة عما كان في فيلم (فجر الإسلام).

شخص 2:نأخذ من كل حزبٍ مشروعاً

أبا الحكم:هذا هو القول الرشيد ، من ينتوى أن يترشح فليقل أفكاره.

حزب 1:نحن مشايعنا ستدر المليارات على الدولة،و كذلك الأموال الخارجية ستدفق علينا،ففمرتنا تعتمد على إعطاء الرخص لمحلات المخدرات (الغرز) و تمويلها بالراقصات و نشر شهرتها عالمياً،و يتم التطوير من جيب أهل قطران

أبا الحكم: و نعم الغباء،لا غرابة أنكم طردتم من مصر.

حزب 2:سنقوم بإفتتاح beauty center حتى يذهب إلينا المصريين لعلاج العيوب الخلقية، و إذا أراد أحدنا العلاج فننا نضمن شرعية نقل الأموال،و سنضع كاميرات مراقبة للخد من ظاهرة التحرش.

أبا الحكم:الله يرحم والتك التي أستعملت الحلاوة الطحينية لإزالة الشعر.

حزب 3:نحن نرى أن المصريين يترفون في النعم،و ما ننشره على قناتنا فهو محض خيال لإستعطاف المشاهد،و أن الأجدر هو نقل حضارة بابل إلى اليونان للحاظ عليها.

أبا الحكم:رجاء أطلبوا من رئيس حزبكم تقوية النت،حتى ألعب طريق الحرير silk road

فردى 1:فكرتى بكل جرائة ، أن من يرشحنى سأعطيه بطانية غير قابلة للحرق،و من لن يرشحنى سأضع السيخ المحمى في صرصور ودنه.

أبا الحكم:صرصور ودنه،لحسن الخظ انك رفضت من اللجنة الانتخابية.

فردى 2:لأنشرن معلقتك يا أبا الحكم على الملأ إذا ابديت إعتراضك7

أبا الحكم:ربنا يوفقك.

فردى 3:أخاف أن أتعدى حدود الله.

أبا الحكم:ما زالت تتذكرين حدود الله؟؟ و ماذا عن سابقاً؟؟

(بعد لحظة تفكير)

أبا الحكم:مما سمعت فإننا سنخسر هذا البرلمان بجدارة،و الحل هو الخداع،لكن ها هو الديك يؤذن ليعلن يوم جديد.

Read More

دردشة إلكترونية

دائماً كانت المتعة في جلسات الحكاوى مع الأصدقاء مهما كان المكان،بها تنسى الهموم و تتعلم من الأخرين،لكن بعد دخول الانترنت حياتنا أصبحت إلى حد ما مملة او قل معتادة و محفوظة،هذا تفريغ من تأليفى بين 2 مصريين في ظل الأحداث الجارية على موقع تواصل اجتماعى مثل تويتر (ملحوظة:الأسماء الاتية من تأليفى و لا تمت للواقع بصلة و أي تشابه بينها و بين أشخاص حقيقين فهذا أمر وارد و لكن من قبيل الصدفة.)

الصقر الشرس:ازيك يا باشا..سمعت اخر الأخبار؟

أنا مصري:بخير يا كبير،انا لسه صاحى،إيه الجديد؟؟

الصقر الشرس:قبضوا على وزير الزراعة في قضية فساد.

أنا مصري:أخيراً خبر حلو و إيه كمان؟؟

الصقر الشرس:القضية كبيرة أوى فيها اسامى وزرا زى العدل و الصحة.

أنا مصري:عرفت ازاى؟؟؟!!

الصقر الشرس:من واحد عارف واحد مصدر مسئول على الفيس.

أنا مصري:طب سؤال،هو يفرق إيه عن الصحفيين اللى بيألفوا أخبار مزيفة؟ طالما مش رسمي فيبقى من تأليف أي حد زى الورقة بتاعت تجاهلها و هتتلعن كل حياتك،يعنى عبده الحشاش اللى مالف.

الصقر الشرس:بقلك مصدر مسئول.

أنا مصري:ماشى يا عم مسئول الفيس بوك،سايب شغلك ليه و بتلعب على النت؟

الصقر الشرس:هو في شغل في مصر،ديه شوية ملاليم

أنا مصري:بس برده اسمه شغل،و بكده انت بتضيع حق مصر و ناسها.

الصقر الشرس:بلاش تحبكها يا عم،شفت الهجوم السعودى على اليمن.

أنا مصري:نعم؟؟هجوم؟؟في الواقع ده دفاع،أوعى تنسى ان لولا السعودية كانت اليمن هتبقى مجرد صحارى و بدو،أساسا السعودية هي المسئولة عن كل حاجة في اليمن سواء تعليم او نهضة او حتى سلام و اتفاق مع على عبد الله صالح قبل ما يخون السعودية.

الصقر الشرس:أنت هتفهم أكتر من صفحات الفيس و تويتر،شكلك اخوان ياض،قول أغنية بشرة خير.

أنا مصري:على فكرة انا مؤيد للسيسى،و مؤيد لجملته (انا لا امتلك إلا العمل)،شفت حوار منع النقاب في الشوارع

الصقر الشرس:ملهاش تأثير الحمد لله،و مش هينفع تتعمل لسببين،الأول اللى هيعملها هيسبب فتنة طائفية و التانى أنه بيعارض قانون الحريات.

أنا مصري:طب و الإرهاب؟؟انا مش شايف حل تانى؟

الصقر الشرس:تانى إثم ربنا بيكرهه بعد الشرك بالله هو إباحة الدم،فلو على الإرهاب يحق للضابط انه يقارن وجه السيدة بالبطاقة،أصل النقاب مش علشان وش المراة عورة،ده تقرب لربنا،و فكك من هرى المتأسلمين اللى بيحرموا كل حاجة.

Read More

دكتوراة فى 1+1

المصرى اليوم..عدد 18/مايو/2015

مساعدة ضرورية للحساب ده سندريلا و نص
_____________________________________________________________________

 منذ بدايات ثورة 25 يناير 2011،و ظهر علينا اشخاص يمتلكون عدد لا يحصى من رسائل الماجستير و الدكتوراة،و دائما يتحدثون بغرور بسبب رسائلهم التي تدور حول جمع (1+1)،و نسوا انهم مثل الكيمياويات التى تدعى (2*1) المسئولة عن تدمير الشعر.

البعض يظن لانه علم ان (1+1=2) فهو بذلك أصبح عبقريا،فقرر ان يتطوع لإزاحة ظلام الجهل عن المصريين،فيخرج على قنوات تهتم بالمال لا المضمون متوقعا ان المصريين سيشكرونه على خدماته العظيمة.

ثم يزداد غرورا عندما يُسئل ماذا لو جمعنا (1+1+0)،فيخرج علينا بملابس النوم و يوضح ان مكانة الصفر في المعادلة مهم و انه لولاه لما حدث كذا او كذا، لكن عندما يساله احد ما حاصل جمع (2+2) فإنه يجيب (بكل غضب و بجاحة) ان سائله يريد ان يعيد الظلام إلى عقول المصريين، و انه رجعى و لا بأس من تهمة إهانة الدين او الرئيس.

لا تظنوا اصدقائى القراء ان هذا الأمر في السياسة فقط، هناك الفن أيضا، فمثلا عندما اخرج السبكى أفلامه الأدنى من الهابطة و نقدها اغلب الشعب المصرى بعنف، خرج علينا الممثلين بتأليه السبكى إلها للتحرر و قالوا اننا سنندم اننا لم نستمع إليه.

ثم زادت تلك السخافات عندما ظهر برنامج الراقصة و البحيرى* على قناة (العاهرة و الناس)،و عندما سمعوا نقدهم نجدهم يجيبون بكل حماقة و غباء انهم رفعوا رأس المصريين عاليا و أنهم يزيدون من مكانة مصر بين العالم.

طبعا هناك عدة حلول لمواجهة تلك المشكلة و منها اذكر حلين

1-إنتظار صحفى ما ان يقول ان اقتصاد مصر يعتمد على الدعارة (مثلما حدث مسبقا مع دولة عربية شقيقة)،و للأسف وزير الإعلام يسير في هذا الطريق بخطى واثقة.

2-الاهتمام بالعاملين في الحياة و نشر رسائلهم،و العاملون بالحياة هم البسطاء الذين لا يهتمون برسائل دكتوراة حمقاء في جمع (1+1)،و لكن يراقبون الحياة و يقارنوها بما تعلموا سواء في المدارس او من الأجداد و يتصرفون على أساس هذه المعلومات.

هؤلاء هم من يستحقون التقدير و الإحترام و ليس المدعين الذين يظهرون في البرامج التافهة التي لا تهتم الا بمحو عقل المشاهد.

-----------------------------------------------------

*البحيرى:سواء كنت متفق او مختلف مع البحيرى (هذا حق لك)، و انا اعترف بانى لم اشاهد برنامجه، لكن فى نقطة قالها فى المناقشة بينه و بين الحبيب على الجفرى اقنعتنى بان اصبح ضده

Read More

التائهون

بعد ثورتی 25/يناير/2011 و 30/يونيو/2013 و اصبح اهتمام اغلب الكبار منصب علی السياسة و متابعة البرامج التحليلية لفهم ما يحدث، و لكن علی الصعيد الاخر فان الشباب يتجنب مشاهدة تلك البرامج، فاصبحوا كالتائهين بين الاحداث، و هنا نسال لماذا يتجنب الشباب مشاهدة تلك البرامج؟

منذ الايام الاولی للثورتين و محاولات القيادات لای حركة سياسية تظهر علی الساحة

التحدث باسم الشعب، كان الشباب يراقب كل ذلك ببغض و ينظرون الی المذيعين كيف يقابلون هذا المشهور او ذاك دون الاهتمام ببقية الشعب، فلهذا صنفوا المذيعين كمنافقين او راكبی موجة ، و لهذا فهم لا يتابعون الا من يتكلم فی مدحهم، و بسبب ذلك البغض اصبح للشباب حاليا سمتين اساسيتين

السمة الاولی الغضب

فی الفترة الاخيرة لاحظنا زيادة مطردة فی اعداد المظاهرات و كان اغلب اهدافها هی ان يمسك شخصا ما حكم مصر او البرائة لاشخاص اخرين،فكما قلت سابقا بان الشباب تائهين، فلهذا فهم يتمسكون بقائدتهم (و اغلب قادتهم اشخاص ينافقوهم)، و الحل بانك تجعل ولائهم لمصر عن طريق الاهتمام بافكارهم اهتمام يتعدی مجرد الاستماع اليهم

السمة الثانية ترويج الشائعات

فی الفترة التی تلت 25/يناير/2011 وجدنا زيادة مطردة لاخبار الشائعات، و للاسف قامت العديد من الصحف المشهورة بنشر تلك الشائعات دون التحقق منها، و اسباب تلك الشائعات

 1-زعزعة ثقة الفريق الاخر

 2-اخراج احلامهم فی هيئة كذبة و تصديقها و العيش بداخلها

و تطورت تلك الحرب الی اعلان اماكن سكن الضباط او الاستهزاء من الاحداث الحالية عن طريق الصور الهزلية(الكوميكس comics)

 و كما لوحظ من تلك السمتين فكل ما يفعله الشباب هو افراغ مكنون صدره و لكن بطريقة خاطئة للاسف، و الحل لتستفيد من قوة الشباب الهائلة فی التعمير بخلاف التدمير هو الاستماع لهم بصدر رحب و نقاشهم بما يناسب تفكير كل شاب، و ان تذكرهم ان الهدف من اختلاف الاراء هو البناء و ليس الدمار، و ان تتذكر بان اللحظة التی ستهينهم فيها ستكون ساعدت داعش و امريكا بالتقدم خطوة فی احتلال مصر

لا مقال الأسبوع القادم بسبب الإمتحانات

Read More

من المسئول؟؟

تهنئة لصديقى ا/أشرف لنشر مقالاته بجريدة الموجز..(من نجاح إلى نجاح)
-----------------------------------------------------------------------------

الأربعاء الموافق 5/نوفمبر/2014،الساعة تقارب الثامنة و النصف،المكان:محافظة البحيرة،تصادم أتوبيس بعدة سيارات مما أدى إلى تفحم الأتوبيس،الفاجعة هى أن الأتوبيس لنقل الطلبة إلى مدرسة الأورمان الفندقية،و النتيجة هى تفحم 17 طالبة و 18 حالة حرجة،و الان أيها القارئ سأحاول أن أجيب عن السؤال(من المسئول؟؟)  بعيدا عن إجابة (ارث مبارك)

1-من وضع كود المهنية الإعلامية

بعد 25/يناير/2011 تعالت الأصوات بغلق وزارة الإعلام و وضع كود المهنية فى الإعلام،النتيجة لذلك هو تعدد شرح الخبر،فمثلا كان الخبر صباحا هو إصطدام الأتوبيس بعربة لنقل المواد المشتعلة و اخرى ملاكى و رابعة نقل،ثم فى الظهر اختفت عربة المواد المشتعلة لتصبح عربة غلال،و فى المساء لم توجد إلا النقل و الملاكى و كان هناك امطار غزيرة و هناك من ضيق الطريق على الأتوبيس،و هذا يدل على ان واضع  كود المهنية الإعلامي هو المفتش كرومبو.

ملحوظة1(قد تفهم على انى أكره جيش بلدى،على الرغم من حبى له،لكن لا أفرق بين دم اطفال و لا دم جنود،لان كلهم دماء مصرية):اين الشريط الأسود و الحداد فى القنوات؟؟؟؟

ملحوظة2:اظن ان اقل فترة للحالة الحرجة لتنتقل إلى حالة متوسطة لا تقل عن شهر،فبأى قدرة استطاعت المصرى اليوم التحدث إلى طالبة المفترض انها حالة حرجة؟؟؟

2-وزير الطرق و الكبارى

لا أحتاج إلى أن أكون مهندس مدنى قسم أشغال لأعلم ان اسوأ الطرق هى الطرق الزراعية،لأن كل شخص يصنع أمامه مطب غير قابل للعبور،لكن الذى يضايقنى هو تصريح غبى من وزير الطرق(احنا لو صلحنا الطرق هتزيد الحوادث)،لأن الناس ستسير بسرعة مخالفة للقواعد،اعلم هذا الأمر و لكن المشكلة فى التصريح انه مثل تصريح (gas and alchool don't mix)،فلهذا اتمنى طرده(ينفع أعمل هاشتاج #اطردوا_المهندسيين_الحمير ؟؟)

3-وزير التربية و التعليم

و هنا رسالة أكثر منها تمنى الطرد،أعلم أن مهمة الوزارة هى إعداد المناهج بطريقة تدمر مخ الطالب،لكن أليس من المفترض على سيادة الوزير التأكد من المدارس أمنة للطلبة،و لا هذا فقط فى كوكب اليابان؟؟؟

4-مسئول قسم المرور

فى كوكب يتمتع بسكان كثر،ركب أفراد المرور أجهزة مراقبة فى أعمدة الإنارة لمراقبة السائقين المخالفين و إنذار السائقين المخالفين و إنذار مركز القيادة،و يعرف هذا الكوكب بإسم السعودية،و هنا السؤال(أين تلك الأجهزة؟؟)

هذه هى قائمة الأشخاص التى اتمنى إقالتهم

ملحوظة لها مغزى:من يتحدث ان الدولة لا تمتلك مالا،فالمفترض ان الجهاز المعالج لمرض الكبد سيخرج اول يناير،فإذا لم يخرج فسنخرج اللواء عبد العاطى و كل الإعلاميين الذين حسنوا فى صورة جهاز خيالى إلى ميدان التحرير ليتم إعدامهم،و اذا خرج الجهاز للنور فعلينا إعدام وزير الصحة لدفعه مبالغ طائلة فى شراء دواء لدينا علاجه        

Read More

ابنها مدمرها

منذ عدة ايام كتبت مقالة الأمر بالمعروف و النهى عن المنكر و كان هدفى منها ان اوضح ان الاخوان و السلفيين ليسوا الإسلام،لكن على ما يبدو ساعيد شرح تلك الجملة،خصوصا بعد الأخطاء الفادحة فى الجرايد و الأفلام،و تركيزهم الشديد على الملتحيين الذين يشوهون الدين،فنتج عن ذلك ان الجميع أصبح يدعون على الملتحيين او المنقبات.

و هنا علينا ان نتوقف،نعم ندعى على المخطئ،لكن لا نعمم المخطئين،اذا لم تكونوا قد نسيتوا،فكان هناك سيدات منقبات يفرحن بانتخابهن للسيسى خارج اللجان،و كان هناك شيوخ يذهب مع ابنائه للجان لترشيح السيسى.

اذا اصرينا على الدعوة على الملتحيين و المنتقبات فالنتيجة النهائية هى الفتنة الطائفية،ففى العراق توقف مجموعة إرهابية أتوبيسا ما و تنزل جميع ركابه و تسألهم (سنى أم شيعى) و الموت لمن يجيب خطأ،و نحن بفضل الدعاء على الملتحيين و الاهتمام بأخطائهم سنجد هجوم من الملتحيين المؤيدين للسيسى و قد تتحول مصر الى العراق و هذا حلم الإخوان.

بإختصار نحن نطبق مبدأ (حاميها حراميها) و لكن النسخة السيئة منه (ابنها مدمرها) فنحن ابناء مصر إذا ظللنا نهتم بأخطاء ملتحى او منتقبة دون الإهتمام بما فعلوه للبلد،فبكل تأكيد نحن نسعى الى ميلاد فتنة طائفية و لكن بيدينا ليست بيد الدولة الإرهابية فى العراق و الشام (داعش)

Read More

النهى عن المعروف و الأمر بالمنكر

بخصوص المقال السابق،كنت خايف من ان يربط الناس الدين بالإخوان،خصوصا بعد ظهور الكاريكاتير الذى ربط (سواء بقصد او من دون) الإخوان بالدين و شوه صور اغلب الملتحيين على الرغم من ان هناك ملتحيين مؤيدين للسيسى و ضد الإخوان و السلفيين.

طالما اتكلمت عن الناس المتعصبة لدينها بطريقة غلط،يبقى أكيد لازم أتكلم عن الناس المتعصبة لإلهاء الناس عن الدين

و هنا عايز أسأل سؤال قبل ما اكمل،هو ليه مفيش ناس غير رجال الدين بس اللى كان صوتهم عالى ضد برنامج الراقصة؟؟،فين صوت اهل الفيس اوتويتر اللى كان واضح وقت سفالة باسم يوسف؟

نرجع لبرنامج الراقصة،أعترف انى صغير و معشتش عصر الرقص الذهبى،لكن لاحظت أغلب ردود اصحابى على الفيس او تويتر و رفضهم للبرنامج (مع العلم بأنهم عاهدوا العصر الذهبى للرقص الشرقى)،و أعترف انى ضد مبدأ ان أجيب راقصة ترقص فى فرحى على الرغم من انها العادات القديمة لكن بالنسبة لى الرقص الشرقى اصالته و عتاقته مثل اصالة و عتاقة ريحة الشراب المعفن، و ده ردى على بجاحة المذيع اللى بيقول ان (الرقص الشرقى مش هز وسط،و لا بدلة رقص فيها ترتر،ده فن اصيل)، و اكمل ما تخلى بنتك و مراتك تشترك فى إثراء هذا الفن الأصيل.

دلوقتى المتوقع منى ان اتكلم عن الدين،لكن كلنا عارفين النقطة دى،فهتكلم عن حاجات تانية و هى الاثار المتوقعة من البرنامج ده و برنامج ستار اكاديمى المتصور مباشر من سكن المشتركين و الافلام الهابطة، و هنا لازم أعتذر عن مصارحتى بالحقيقة المؤلمة

1-التحرش:بسبب الرقص و التعرى،فده بيزود الشهوة عند الشباب و النتيجة الحتمية للحوار ده هو انتشار ظاهرة التحرش

2-انضمام الشباب (لا استطيع ان اقول عليهم لفظ رجال) لمسيرة الرقص الشرقى مثل ما حدث فى السنة اللى فاتت فى برنامج arab idol

3-الأنتمة:بقت حاجة طبيعية بين الشباب و البنات فى الجامعات،و قريبا مرحلة القبلات البريئة

4-سرقة صور البنات من النت:فكرونى ان اكتب مقال عن الحماية الإلكترونية لمواقع مثل الفيس و تويتر

5-يحق للإخوان ان يقولوا ان السيسى كافر و بيحب انتشار التحرش،متنسوش ان برنامج الراقصة اتمنع عرضه فى عهد مرسى

6-نظرة الاستنكار و التعجب من الشباب لكبار السن،لأن الشباب مستغرب ازاى الناس الكبيرة خاصرت مسرح باسم يوسف علشان كلامه السافل و مهتمتش ببرنامج الراقصة و لو بتويتة

فى النهاية هذا هو كابوسى،و أخاف أن يتحقق و سيتحقق لو استمر هذه النوعية من البرامج،تقدر تقول هقلب القناة و هقاطعه،هرد و اقولك شوف إيرادات الأفلام الهابطة زى افلام السبكى،كلنا قلنا هنقاطع افلامه،و نجحت للأسف الشديد

الحل هو ان احنا نبدأ من الصفر،و علشان نبدأ من الصفر لازم نهدم كل حاجة خطأ،سواء تعليم يعتمد على الحفظ او مذيعين بيحترفوا الكدب او افلام هابطة جديدة (و خصوصا اللى فيها ممثلين بجحين بيعللوا ان الافلام ديه هى الواقع)

Read More

الأمر بالمعروف و النهى عن المنكر

تعريف لا بد منه

يد الله:هو شخص او مجموعة تظن ان الله ارسلها فى هذا الكون لتنفيذ مشيئته (بالادق مشيئتهم و لكن بصبغة دينية)،و غالبا ما تكون مشيئتهم هى القتل او التدمير

بعد 30/يونيو/2013 بدأت فى الظهور جماعات متطرفة دينية تظن انها يد الله لقتل الجيش المصرى و الشرطة المصرية،و ان هذا فى رايها هو الشرع الصحيح،و ان هذه هى الطريقة الوحيدة للأمر بالمعروف و النهى عن المنكر

و هنا عايز اوضح نقطة الأمر بالمعروف و النهى عن المنكر بس بالأمثلة

1-بكل تأكيد قتل شاب بالسويس علشان بيمشى بخطيبته ملهوش علاقة بالامر بالمعروف بس ليه علاقة بالارهاب

2-بكل تأكيد مقتل مروة الشربينى بالمانيا علشان ارتدائها الحجاب (يعتبر الحجاب فى تلك الحالة منكر) ملهوش علاقة الا بالارهاب

3-بكل تأكيد الدين الصحيح نابع من الشيخ الشعراوى و بابا شنودة الله يرحمهما،و ليس برهامى الذى يقتبس من القران الايات الصحيحة ثم يفسرها تفسيرا لا يرتبط بالعصر الحالى فينتج فتوى لا تصلح لهذا العصر زى فتوى لو مراتك هتغتصب متدافعش عنها (انا ناسى نص الفتوى علشان دمى اتحرق)

بكده فاضل سؤالين

أ)ما سبب ظهور الجماعات المتعصبة؟

هترك الاجابة للراحل د/مصطفى محمود

ب)ليه نوع واحد من التعصب الدينى موجود بس فى اى دولة؟

اقصد ليه بنشوف فى مصر التعصب الإسلامى و فى الدول الغربية التعصب ضد الإسلام،السبب هو الديانة الأغلبية،التعصب موجود بوجود الإنسان و الإرشاد الخاطئ البعيد عن الشريعة
ففى القران الكريم  بعد بسم الله الرحمن الرحيم(و من لم يحكم بما أنزل الله فأولئك هم الكافرون) صدق الله العظيم  سورة المائدة الاية 44
و قال الله عزوجل لسيدنا عيسى عليه السلام (يا عيسى عظ نفسك فاذا اتعظت فعظ الأخرين و إلا فاستح منى)

و هذا يدل على ان هولاء الأشخاص الذين يدعون انهم الامرين بالمعروف و يد الله بعيدين كل البعد عن الدين

شكرا للراحل د/مصطفى محمود 

Read More

5 سطور

شهر بعيد عن الكتابة،النت كان فاصل فيهم،و حصلت احداث كتيرة اوى فى الشهر ده بحيث قررت ان اجمع كل الاحداث فى مقالة طويلة علشان متضيع احداث جديدة

=>السطور الإعلامية

1-الراقصة

طبعا كلنا لاحظنا مهزلة قناة الراقصة،سواء سماح طارق نور بعرض البرنامج،او سؤاله الأهبل علشان يضرب 5 جنيه من كل واحد،بس بالنسبة لى للاسف عنده حق،لان لو قررنا نقفل برنامج سافل زى الراقصة،مش الأولى ان احنا نقفل قنوات الرقص الشعبى و الاغانى الهابطة و نحط قوانين حازمة للجان الرقابية على الاعمال الفنية؟؟؟

2-الحيادية الإعلامية

مبدئياً انا مش بتابع اى برنامج سياسى (الا الحدث المصرى)،و بعرف الاخبار من تويتر او نبض او شريط الاخبار بالقنوات،و اسباب انى مش بتابع البرامج السياسية

أ-اغلب الإعلاميين بيأفوروا

ب-اغلب الإعلاميين عايز يوصل فكرة معينة سواء صح او غلط مش فارقة معاه المهم انه يوصلها

ج-لأنى بتهم أغلب الإعلاميين بقتل الشباب فى الفترة بين 25/يناير/2011 لحد الفترة التى تسبق حكم مرسى (فترة حكم المجلس العسكرى)،لأنهم حمسوا و شجعوا الشباب ضد المجلس العسكرى،و نجحوا بإثارة غضب الشباب و عملوا مظاهرات ضد العسكر (كان اسم الجيش فى الفترة دى اسمه عسكر و اللى قال الاسم ده اغلب الاعلاميين)،و هنا دخل طرف تالت وسط الشباب و ضرب نار و حصلت المجزرة.

=>السطور الاقتصادية

1-علاج فيروس C

فى خبر اتنشر عن نية شراء ادوية لعلاج فيروس C،سؤال هو فين الاختراع اللى بيعالج المرض ده؟؟؟

اصل كده فى حد هيتعدم،يا وزير الصحة لتبديد اموال الدولة،يا كل المخترعين مع المؤبد لكل المذيعين اللى طبلوا للجهاز

2- ͌ 64 مليار جنيه

الحمد لله عرفنا نجمع ما يقارب من 64 مليار جنيه لمشروع قناة السويس،و الحمد لله الاخوان متضايقين اوى،عرفت من ويكبيديا (نسبة التحقق من صدق الموقع 75%)انه هيتم حفر 3 انفاق تحت القناة ببورسعيد و 4 بالاسماعيلية،و لكل واحد بيقول ان المشروع بيخدم إسرائيل،طب هو ليه المشروع هيقفل الباب فى مشروع خط سكك حديد اسرائيلى يربط الاحمر بالمتوسط و أعلن عن هذا المشروع عام 2013 و المتوقع انه سيستغرق 5 اعوام لتنفيذه؟؟؟

=>شوية سطور فشخرة (اذا سمحتم)

1- adobe photoshop CC 14.2

فى مفاجاة من العيار الثقيل للإخوان(عجبانى اوى الجملة دى)،سمت شركة adobe اخر نسخة من برنامجها المشهور photo shop بإسم CC

هو انا ليا خبرة بسيطة فيه، بس لو عايزنى اعملك صورة بلغينى فيس او تويتر

انا عملت الصورتين دول

2-احمد موسى

التغريدات بتاعت #هشتغل_ناشط_سياسى اتنشر منها على برنامج احمد 12 تغريدة ل 11 شخص،و دى تغريدتى

بعد 24 ساعة من نشر التغريدة على التلفيزيون اكونتى مش عارف ارد او اعمل ريتويت،طلع ان فى حد اقصى 2400 تغريدة او ريتويت فى اليوم،كنت فاكره هجوم و لهذا شكرا لكل من ساعدنى

=>السطور الهندسية

1-يوم المهندس

افتتح المهندس/إبراهيم محلب (رئيس الوزراء) بقاعة المؤتمرات يوم المهندس المصرى، و ذلك يوم 10/سبتمبر/2014،طبعا كان فى مشاريع التخرج للطلبة،و منها مشروع لجامعة بورسعيد عن كوبرى بيتفتح و يقفل فوق قناة السويس الجديدة بإذن الله،ده كتاب المشاريع (انصح بعدم تنزيله الا للمختصين او فى اخر سنتين من الكلية) 

2-وادى السيليكون

هل تعلم ان رمال سيناء هى بوابة المستقبل التكنولوجى المصرى؟؟،لأنها أكثر الرمال نقاءً،بس نعمل مصنع لانتاج السيليكون و الشرائح الإلكترونية، و نعرف ننافس المنتجات الأجنبية بتفوق،و بكده نحقق نهضة صناعية (مش نهضة مرسى)

=>السطور الفكرية

1-التعليم

لاحظت منهج ابتدائى،و اعترف انه متغير عن الحفظ اللى كنت باخده،و كمان اسلوب الابحاث العلمية فكرة حلوة،استمروا بتطوير عقل الطفل

2-الثانوية

أختلف مع الرئيس/السيسى فى حوار دروس الخصوصية،هل تعلم ان الدرس وصل عندنا فى السويس 200 جنيه فى الشهر،يا ريس فى تماسيح مش بتشرح فى المدرسة بس بتشرح فى الدروس

3-الأزهر

أطالب بتطوير منهج الأزهر،مع مواجهة الغش بطرق عبقرية فى كل الامتحانات

4-منع الشات

انا أتفق مع شيخ الأزهر فى منع الدردشة مع الجنس الأخر إلا لضرورة قصوى او فى حدود معينة،لانى بتحدث مع اشخاص اعتبرهم عائلتى دردشة فى حدود الإحترام لإيمانى ان كل كلمة هقولها هتحدد مصيرى سواء فى الدنيا او الأخرة،و بكل تأكيد أنا ضد إهانة رمز من رموز مصر و هو شيخ الأزهر او الشيوخ الحقيقين المتخرجين منه

=>السطور الإنسانية

1-اصدقاء و متبلكين

شكرا لكل شخص سأل عنى او بيدعيلى بالخير،و اعتذر لكل شخص لم اتواصل معاه بفترة طويلة،و فى النهاية لكل شخص عاملته كأنه صديق محترم و عملى بلوك من دون اسباب احب اقوله فى دعوة دعيتها عليك لو عرفتها هتندم

2-بلوك بالحياة

لو افتكرت ان فى صديق جدع معاك،و الايام اثبتت انه نص كم حقك ترزعه بلوك،لكن لو كان فى الحياة شخص بالمواصفات دى و باعك،استعذ بالله من الشيطان الرجيم و عامل الشخص ده بحقارة بتصرفاتك و نظراتك و تجاهلك

Read More

و ماذا فعل الفليسطنيون لغزة؟

أعتذر المقالة بالفصحى

---------------------------------------------------------------------------

فى عهد السادات الله يرحمه،سُئل وقت إحتفالات نصر اكتوبر (كيف تحتفلون و ‫#‏غزة‬ تحت القصف؟)،فرد السادات(و ماذا فعل الفلسيطنيون لغزة؟)

فى المقالة السابقة،تحدثت عن أعدائى و ترجيت من الجميع عدم شراء المنتجات الإسرائيلية و التعاطف مع إسرائيل (و أقر أنى كتبت بعض الأدلة الضعيفة بالمقال)،و كانت اغلبية الردود من طراز(اهل غزة يسبوننا و ان هذا الامر تمثيلية)،طبعا لم أعترف بأن هذا الامر تمثيلية فى وقتها،حتى هوجم سكان العريش أمس بعد مباراة كأس العالم،ثم توضح الامر أكثر من مقولة المعزول فى محبسه (لك الله يا غزة)

لكن هناك رد أعجبنى من الاستاذة عزة(لن أتعاطف مع إسرائيل و أهل غزة صعبانين عليا بجد،بس لازم ينتفضوا ضد حماس و يخلصوا منهم،بس واضح أنهم راضيين عنهم)،عندها حق،تذكرون وقت حركة تمرد ضد حكم الإخوان كان هناك حركة تمرد فليسطنية ضد حركة حماس،طبعا جميعنا نعلم نتيجة تلك الحركتين،فوز احداهما و هزيمة الأخرى

و هنا نسأل لماذا الفشل؟،لعله الخوف،و لكن من من؟،من الجنود الإسرائيلين،و لكن الفيديوهات التى تشرونها تدل على عدم خوفكم،لعلكم تخافون من حماس،حقاً؟؟؟؟،اذن السبب الحقيقى للخوف هو الأنفاق

حماس كانت الراعى الرسمى و الوحيد للأنفاق المصرية-الفليسطينية،فترة عزل مرسى كانت أيام سوداء عليهم بمعنى الكلمة،و اشتدت حلكة تلك الأيام مع تدمير جيشنا لتلك الأنفاق،مسببة نقص المنجات المسروقة من مصر مثل السيارات و البنزين و الطعام و الاسمنت....الخ

و حتى تتحول تلك الأيام السوداء على حماس فلابد من تطبيق لعبة (ميناء اللآلئ pearl harbour) الحقيرة

كانت انجلترا ضعيفة ضد الإحتلال النازى،و الحل الوحيد للإنتصار هو دخول أمريكا،فاستفادت إنجلترا من جاسوس يابانى فى أمريكا و أوهمه أن أمريكا ستدخل الحرب،و من ثم بلغ معلوماتها إلى اليابان فقررت اليابان الهجوم السريع على ميناء اللآلئ الأمريكى

و تم تطبيقها بهجوم خس على العريش،بعد ما كانت حماس تهاجم بصواريخ ضعيفة امام إسرائيلى حتى تدك إسرائيل فلسطين بقذائف الهاون،وقتها تبكى حماس من أجل أن تجمع التبرعات.

طبعاً الخاسر الوحيد هو أهل فلسطين،الكارهين للإسرائيلين و لحماس،ليسوا بالضرورة ينتمون إلى فتح

فى نهاية هذا المقال أوجه رسالة إلى حماس:لقد كره اغلب العرب خستكم،و بسبب ذلك لم يعودوا يهتموا بالقضية الفلسطينية،يا رب على كل مليم تأخذونه بجيوبكم النجسة يحترق قلوب أبنائكم أمام أعينكم من أيدى أصدقائكم الحقراء (العدو الإسرائيلى)

--------------------------------------------------------------------------------

ملحوظة:بكره اخر مقالة فى الأسبوع

Read More

عن اعدائى اتحدث

قبل قرائتك للمقال،تذكر أن اختلاف الراى لا يجب أن يفسد الصداقة

----------------------------------------------

منذ عدة أيام هال خبر الهجوم الإسرائيلى على غزة ابا محمد،فلهذا قرر أن يغير نظام يومه،فيعد فطار يوم رمضانى،و مشاهدته للمسلسلات ثم الصلاة قرر فتح الحاسب الالى لكى يلعب sodoku،و بخلاف عادته للإستماع إلى أم كلثوم،استمع إلى الالبوم اللبنانى (القدس) للمغنين (هدى حداد و فيروز و شمس نصرى الدين)،و بعد ان انتهى من اللعب طلب مساعدة من ابنه لشراء احتياجات المنزل و وعده بمشاهدة مباراة كأس العالم،فاشتريا عبوة معدنية لمنتج كوكاكولا مكتوب عليها اسم (محمد)،و عبوة مخفضة الثمن لمنتج بيبسى ثم ذهبا للقهوة لمشاهدة كاس العالم،فى نهاية اليوم قرر ابو محمد فتح حساب الفيس و رأى صور جنودنا المصريين الذين إغتيلوا فى مذبحتى فتح الاولى و الثانية مع كلمة (لا تعاطف مع غزة)

المكتوب بالاعلى للاسف قصة حقيقية تحدث فى العديد من المنازل المصرية مع اختلاف الشخصيات،للاسف أعتبرنا أن أهل غزة جميعهم حماس،و لهذا سبب وجيه تبدأ أحداثه مع حرب الاستنزاف،ثم تأتى أحداث مذبحتى رفح الأولى و الثانية فى شهرين رمضان متتاليين

الحمد لله ان سيادة الرئيس عبد الفتاح السيسى قام بفتح المعبر للحالات الإنسانية،و طبعا قرر خونة حماس أن تمنع مرور المصابين و الحالات الإنسانية إلى مصر.

و لكن مهما قلت فلن أنسى جرائم خونة حماس و بيت المقدس فى حق جنودنا المصريين،و هذا الأمر يزيد من كراهيتى لهم،و لكن ما يجعلنى أدعى لغزة هو 3 نقاط

1-أن العائلة المقدسة (عليها السلام) ولدت ابنا ببيت لحم بفلسطين سمى بسيدنا عيسى (عليه السلام)

2-أن مسجدى الأقصى و قبة الصخرة بفلسطين

3-أن عدوى الأول كان و لا يزال و سيظل إسرائيل

فقط تذكر صديقى القارئ،أنا لا اقول لك ان تسامح أشخاصا ضعفاء سُلط عليهم خونة،الخونة قاموا بقتل شبابنا و جنودنا،و الضعفاء لا يستطيعون فعل شئ ضد الظلم لأنهم مشغولون بالبقاء قيد الحياة ضد عدوهم الإسرائيلى،و لا أقول أن تفرح على ان سيادة الرئيس وافق على فتح المعبر للحالات الإنسانية الطارئة،و لكن أقول لا تتعاطف مع عدوتك الحقيقية إسرائيل

تذكر أن كلمة cocacola عند النظر إليها بالمرأة تصبح لا مكة لا محمد

تذكر أن كلمة pepsi إختصار إلى

Pay every penny saving Israel

ادفع كل قرش لمساعدة إسرائيل

و الان ساسألك،هل تعاطفت مع إسرائيل اليوم؟؟؟

Read More

المتشدقين بالوطنية

التشدق:هو اللت و العجن بالبلدى

(التحدى مقدم من ا/اشرف و ا/مريم و الحوت، التقييم من 0 إلى 10)

يوم 5/يوليو/2014 ارتفعت اسعار الوقود،و طبعا ده كان محور كلام أهل تويتر و الفيس،وقتها انقسم الكلام إلى اكتر من جزء

الجزء الأول:التطبيل فوق الحد للقانون،مع ان سبب كراهيتنا لمرسى هو التطبيل

الجزء الثانى:الأجرة زادت،و المفروض نعمل شركات مواصلات جديدة،و ده ينقلنا للجزء الثالث

الجزء الثالث:الاستثمار،و هنا سألت سؤال ليه الناس المصريين اللى معاها ملايين مبتساعدش مصر؟؟

الناس ديه تقوم تعملنا قناة بفلوسها،و تقوم إعلانات (تحيا مصر) و (علشان خاطر مصر) و (اتبرع لحساب .....) و إعلانات زى كده،بس لما تيجى تطلب منهم انهم يساعدو مصر يبقى الرد بتاعهم (انا مش عارف انا أبقى مين انا مش انا)

يا سيادة الريس،انا مش مختلف معاك بخصوص البنزين،عندك كل الحق،بس برده إيه ذنب المواطن الغلبان و انت عندك حيتانقاعدة على ملايين،و فالحة تجيب مذيعين بيقولوا (اتبرعوا علشان خاطر مصر) او (لازم نجيب الدكاترة و مهندسين البترول علشان نعرف بياخدو كام)،طب ما نجيبكم و نعرف انتوا بتهبروا كام؟؟

يا سيادة الريس،الحل كان فى التاريخ،وقت الشدة على مصر فى حكم قطز،وقتها فكر فى زيادة الضرايب،وقتها مستشاره و استاذه قال مينفعش إلا لما تاخد من الأمراء و الناس اللى فوق،و وافق قطز و قال للناس اللى فوق اتبرعوا،عملوا نفسهم من بنها،قام قفل عليهم القصر و بعت حملات امنية و رجع فلوسهم للخزانة بعد كده رفع الضرايب.

يا سيادة الريس،انت عملت حركة جدعة لما اتبرعت بنص مرتبك،بس الناس ديه للأسف اخرها تتبرع بإعلانين تلاتة و شوية فراخ،لكن يتبرعوا بفلوس و لو نص جنيه،انسى

السيسى اتبرع بنص مرتبه
اشمعنى؟؟
فاكرنا هنعمل زى ما عمل فى مرتبه

الحل يا سيادة الريس تعمل زى البورصة و تنص القانون التالى

إن من يمتلك الجنسية المصرية و يعمل داخل حدود جمهورية مصر العربية بحيث يكون مرتبه من مليون جنيه فيما فوق فإنه عليه ضريبة شهرية تقدر بـ5% مما ينال

ده اللى كان مفروض يحصل الأول،قبل ما حضرتك تنزل القرار بتاع رفع الدعم

نرجع تانى لأهل تويتر

كان فى ردود تانية 

ناس بيشتموا فى محلب و بيقولوا حكومته حكومة رجال أعمال،مش ده برده رئيس الوزراء محلب اللى كنا فرحانين بيه قبل ما يمسك السيسى؟؟؟،إيه اللى اتغير فى الحكومة؟؟ (بجد مش عارف)

بخصوص التطبيل،معاكم ان رفع الدعم ده الحل الصحيح،لكن فى سلبيات فى القرار،و بطريقتكم الرائعة فى التطبيل هتكرهوا الشباب فى السيسى،و ممكن يحس الشباب ان الفرق بين السيسى و مرسى هو حرف C

بخصوص الناس اللى بتقول إيه سبب زيادة  بنزين 95 بنسة 7%،هى ان بالفعل سعر بنزين 95 هو 625 قرش،لكن المشكلة هى غلاء بنزين 80 و السولار اللى هما عصب الحياة المصرية و المواطن الغلبان،و النتيجة السيئة للحوار زيادة اسعار الخضار و الفاكهة و اجرة الميكروباصات،بإختصار تعذيب المواطن الغلبان

بخصوص الناس اللى بتحلم بفلوس الإخوان،فى ناس بتحلم بفلوس الحزب الوطنى،و كلنا عارفين ان مش هنعرف ناخد الفلوس ديه إلا بحكم إعدام الحزبين

اخيرا فى رقم للإتصال بخصوص شكاوى إرتفاع الأسعار،يا رب ميكون زى اسطورة ديوان المظالم الفاشل اللى كان فى عهد الإخوان،يا رب يكون احسن منهم،يإلا بجد هيكون الفرق بين السيسى و مرسى C

-----------------------------------------------------------------
ملحوظة لا علاقة لها بالمقال
أنا أكتر حاجة بحبها النقاش و ان حد ينبهنى على خطأ عملته،لأن ده الوسيلة الوحيدة علشان اطور فى كتاباتى

Read More

ما فوق الحد

هناك ظواهر كثيرة فى حياتنا تجاوزت الحد المنطقى لها،و بسبب ذلك أصبحت تلك الظواهر تهدد شعب مصر خاصة و الشعب العربى عامة.

1-الإعلانات

المفروض ان الإعلان يكون بسيط و يوصل فكرة للمشاهد،لكن الإعلانات دلوقتى،غالبا الهدف منها ان صاحب الإعلان عايز يجوز بنته،فيعملها إعلان تتشهر بيه،و لا إعلان كيس ريحة (لولوا)،انا عارف ان البنات اكتر من الولاد،لكن الاقى ولاد ببتسهوك فى الإعلانات،ليه عايزين تتجوزوا،مش لا قيين بنات إزاى،و من هنا نستنج ان ثقافة الإعلان المصرى تتلخص فى البنات و السهوكة و رشة اغانى شعبى

2-الأغانى الشعبى

زمان كان المغنين الشعبين القدامى زى عدوية و حكيم و شعبان عبد الرحيم بيغنوا اغانى حلوة و بسيطة و جميلة،بعد كده نزل سعد الصغير باغانيه و دبانته و حماره و العنب،و بعد 25 يناير نزل اختراع جديد اسمه اوكا و اورتيجا و المدفعجية و الأغانى الراقية زى (اديك فى الأرض تفحر)،و طبعا مننساش الراقصات المحترمات جداً زى صافيناز

3-المسلسلات

زمان كانت المسلسلات زى الف ليلة و ليلة او تاريخى او بيعرض قضية زى يا رجال العالم اتحدوااو دراما و دلوقتى المسلسلات بقت كوميدية تافهة أوى أو هيفاء و روبى.يا حلاوة

4-القمامة

أوجد العبارة الخاطئة

1-نحن شعب يريد التطور

2-قال رسول الله صلى الله عليه و سلم (النظافة من الإيمان)صدق رسول الله صلى الله عليه و سلم

3- أَيُّهَا الأَحِبَّاءُ لِنُطَهِّرْ ذَوَاتِنَا مِنْ كُلِّ دَنَسِ الْجَسَدِ وَالرُّوحِ، مُكَمِّلِينَ الْقَدَاسَةَ فِي خَوْفِ اللهِ-------رسالة بولس الرسول الثانية إلى أهل كورنثوس 7: 1

4-نحن شعب متدين

مفيش حاجة غلط،دلوقتى نحط الصورة دى و دور على الغلط

(اطلب من سيادة الوزير المسئول عن النظافة،يحط ضريبة على النظاقة 2000 جنيه 

للمدينة القذرة و 200 جنيه على المدينة النظيفة)

الأضرار الناتجة من تلك الظواهر

*زيادة حالات التحرش،و ده متوقع من أفلام هابطة زى السبكى

*وفاة اشخاص بلا ذنب زى الطفلة زينب الله يرحمها

*الشباب و الأطفال حافظين أغانى للمدفعجية و اوكا

*زيادة انتشار الأمراض القاتلة

دلوقتى احنا عندنا طريقين،يا نحل المشكلة،يا تضيع مصر

------------------------------------------------------------------
ملحوظات ليس لها علاقة بالمقال
انا أحمد رأفت أبو الرجال (حفيد ابو الرجال) شاب،فبالتالى المدونة مش كلها سياسة و جد
السبت:مشكلة ملحوظة او تحدى
الاحد:مقال عادى
الاثنين:تجنن (لنشر اعمالك ارسلها على tagnn@outlook.com)
الثلاثاء:نشر افكار لشخص مصرى ممكن توافق عليها و ممكن لأ سيادة المواطن س
الاربعاء:مقال هرتلة
الخميس:مقال كوميدى

أعتقد ان كده تمام

Read More