#فيها_حاجة_اتغيرت

(شكر خاص لصاحب فكرة الهاشتاج)

فى ال 11 سنة اللى فاتوا (عارف ان هما المفروض 31 سنة بس علشان ندى لمبارك حق انجازاته و خصوصا ان اخطاؤه و تدخل ولاده فى مصر زادو فى اخر 10 سنين فهنمشيها 11 سنة) طلعت ريحة الياس،زى ريحة الغاز،تتخانق مع مراتك تحصل ثورة جنب بيتك،و ريس يتشال و نظام يتغير و مراتك لسه قاعدة على قلبك.

بس من اول 30/يونيو/2013 بعد ما وصلنا قادة الإخوان للسرايا الصفرا و شربناهم حاجة صفرا(علشان كده خدوا اللون الاصفر لونهم المفضل)،و بدات روايح مجارى الشارع السياسى تهدى شوية،و ابتدى وقت الشغل علشان مصر.

فيعنى فى اخر 10 سنين من بتوع مبارك،كان بيتقالى اشتغل بجد علشان تتقدم فى المناصب،مع انها كانت معروفة ان الواسطة هى اللى بتساعدك فى الترقية،اما فى عهد مرسى فمرة تيجى الترقية لمهندسين ساقطين انجليزى او لناس عندها دقن بدل العقل،بس دلوقتى فى فترة السيسى،الريس بنفسه ينزل يشجع الناس و يقابلهم،و ده السبب اللى مخلينى اشتغل علشان بلدى بجد.

اما عن الحكومة،فالبشمهندس محلب مطلع عين الوزرا اللى تحته و منزلهم فى الشارع يشوفوا شغلهم،لكن للأسف فى شوية منهم مقتنعين بمبدا مرسى فى الشرح (gas and alcohol don’t mix)،دول للأسف نقطة ضعف فى حق مصر،بس الحمد لله فى تقدم عن ال11 سنة اللى فاتت.

و السادة المحافظون ينزلوا يفتح محلات للناس اللى بتبيع على الرصيف،و فى اهتمام منهم بالنضافة بتاعت الشارع و ده تقدم حلو.

و الحمد لله على جيش بلدنا،عرفوا ازاى يكسبوا حب الناس بالإحترام.

م الاخر فكك من اى واحد اهبل بيحسسك بالياس و يقولك شوف المجارى طفحت علشان المطرة،ابتسم و اشتغل بجد علشان تخلى البلد مكان افضل لولادك و لبناتك (علشان الجنس الناعم ميزعلش)

Read More

التائهون

بعد ثورتی 25/يناير/2011 و 30/يونيو/2013 و اصبح اهتمام اغلب الكبار منصب علی السياسة و متابعة البرامج التحليلية لفهم ما يحدث، و لكن علی الصعيد الاخر فان الشباب يتجنب مشاهدة تلك البرامج، فاصبحوا كالتائهين بين الاحداث، و هنا نسال لماذا يتجنب الشباب مشاهدة تلك البرامج؟

منذ الايام الاولی للثورتين و محاولات القيادات لای حركة سياسية تظهر علی الساحة

التحدث باسم الشعب، كان الشباب يراقب كل ذلك ببغض و ينظرون الی المذيعين كيف يقابلون هذا المشهور او ذاك دون الاهتمام ببقية الشعب، فلهذا صنفوا المذيعين كمنافقين او راكبی موجة ، و لهذا فهم لا يتابعون الا من يتكلم فی مدحهم، و بسبب ذلك البغض اصبح للشباب حاليا سمتين اساسيتين

السمة الاولی الغضب

فی الفترة الاخيرة لاحظنا زيادة مطردة فی اعداد المظاهرات و كان اغلب اهدافها هی ان يمسك شخصا ما حكم مصر او البرائة لاشخاص اخرين،فكما قلت سابقا بان الشباب تائهين، فلهذا فهم يتمسكون بقائدتهم (و اغلب قادتهم اشخاص ينافقوهم)، و الحل بانك تجعل ولائهم لمصر عن طريق الاهتمام بافكارهم اهتمام يتعدی مجرد الاستماع اليهم

السمة الثانية ترويج الشائعات

فی الفترة التی تلت 25/يناير/2011 وجدنا زيادة مطردة لاخبار الشائعات، و للاسف قامت العديد من الصحف المشهورة بنشر تلك الشائعات دون التحقق منها، و اسباب تلك الشائعات

 1-زعزعة ثقة الفريق الاخر

 2-اخراج احلامهم فی هيئة كذبة و تصديقها و العيش بداخلها

و تطورت تلك الحرب الی اعلان اماكن سكن الضباط او الاستهزاء من الاحداث الحالية عن طريق الصور الهزلية(الكوميكس comics)

 و كما لوحظ من تلك السمتين فكل ما يفعله الشباب هو افراغ مكنون صدره و لكن بطريقة خاطئة للاسف، و الحل لتستفيد من قوة الشباب الهائلة فی التعمير بخلاف التدمير هو الاستماع لهم بصدر رحب و نقاشهم بما يناسب تفكير كل شاب، و ان تذكرهم ان الهدف من اختلاف الاراء هو البناء و ليس الدمار، و ان تتذكر بان اللحظة التی ستهينهم فيها ستكون ساعدت داعش و امريكا بالتقدم خطوة فی احتلال مصر

لا مقال الأسبوع القادم بسبب الإمتحانات

Read More

انتصرنا لكن

(إعلان هام: هذا رابط صفحة حركة بلدنا على الفيس 

صفحة حركة بلدنا

لايك و شير)

يوم 24/اكتوبر هو العيد القومى لمحافظة السويس العزيزة على قلبى،و ذلك لطردهم اليهود الذين استطاعوا إختراق الثغرة،و فى هذا اليوم تذكرت 6/اكتوبر/1973 و انتصارنا الساحق على اليهود

الشاذلى

بدأت ذكرياتى من بداية النكسة (كما قرأتها لـد/نبيل فاروق) و كيف ان موشى ديان كان يسخر بأننا شعب جاهل لا يقرأ،و من هنا بدأ إنتصارنا بعد وقوع القيادة الإسرائيلية فى فخ الغرور،و على الرغم من انهم تم تحذيرهم من قبل مقال كتب بواسطة عالم بحرى امريكى ذو أصول يهودية في مجلة امريكية علمية شهيرة اقتبس منه[إذا أراد المصريون عبور قناة السويس فهذا امر مستحيل نظرا لأنه يربط بين بحرين لكل منهما مواعيد مد و جزر مختلفة،و لكن إذا اراد المصريون العبور فلهم 3 مواعيد] كان من هذه المواعيد ميعاد 6/اكتوبر/1973،طبعا لم يقرأه الإسرائيلين و قرأته المخابرات المصرية،و تذكرت ذكريات بالألم و الندم و الحسرة على وجه موشى ديان بعد إعترافه بأن الإسرائيلين لا يقرؤون.

للأسف هذا من انتصاراتنا القليلة،نعم اعترف بأننا انتصرنا فى الحرب و التجسس،لكن للأسف فشلنا فى التطورات العلمية،فللأسف ان الجامعة العبرية بالقدس كان ترتيبها 94 عالميا عام 2003 و وصلت عام 2013 59،و أن جامعة تكنيون التقنية وصلت إلى المرتبة 15 فى مجال المعلومات،بينما جامعة القاهرة 299 عالميا فى عام 2014

و منذ اسبوع او اكثر دخلنا موسوعة جينيس للأرقام بإمتلاكنا أكبر طبق كشرى،لكن الأكثر قتلا للأمل هى إعلانات القنوات الحمقاء و التى تنقسم إلى:

1-ادوية او اجهزة إلكترونية(موبايلات-حاسب الى-...) من معامل تحت السلم

2-مأكولات و مطعم و سيدات يريدون الزواج

3-أى سبب لإقناعك بأن تسمحى لغريب بأن يدخل منزلك مع احتمالية السرقة

4-تاجير شقق و تجهيزها بالأطباق الصينى و الأجهزة الرديئة

5-مراكز التبويض و الخصوبة و إعلانات الفياجرا المضروبة

6-لحمة رخيصة الثمن تشك بأنها لحم فئران

و أخيرا للتأكد من حرقة الدم قرر الشيخ فلان ان يحرق دمك بأنه قادر على فك الحجاب و تزويج العانس و جعلك متقدم فى عملك.

فلهذا اسأل سؤالا قد يضايقك و لكنه حقيقى،هل انتصرنا حقا فى حربنا ضد إسرائيل؟

نعم فى مصر علماء عظماء مثل د/مجدى يعقوب و د/احمد زويل نعم مصر فى طريق التطور،لكن ما أهمية التطور إذا لم ننفذه كشعب،نحن نقول لا للتحرش،و نقلب القناة لمشاهدة الأكاديمية او برنامج الراقصة،نحن نقول لا للرشوة و المحسوبية،و نمسك فى صغار الموظفين كيف انهم يرتشون و ننسى الكبار

الملخص المفيد كما قال د/عبد الفتاح دياب (مصر مش شاطرة غير فى صناعة المش و الجلابية و القلة)

د/عبد الفتاح دياب:هو رئيس قسم الفيزياء،و هو اول من اخترع جهاز لتفريخ الشحنة الاستاتيكية دون الحاجة إلى موصل أرضى (wireless earthing)

Read More

ابنها مدمرها

منذ عدة ايام كتبت مقالة الأمر بالمعروف و النهى عن المنكر و كان هدفى منها ان اوضح ان الاخوان و السلفيين ليسوا الإسلام،لكن على ما يبدو ساعيد شرح تلك الجملة،خصوصا بعد الأخطاء الفادحة فى الجرايد و الأفلام،و تركيزهم الشديد على الملتحيين الذين يشوهون الدين،فنتج عن ذلك ان الجميع أصبح يدعون على الملتحيين او المنقبات.

و هنا علينا ان نتوقف،نعم ندعى على المخطئ،لكن لا نعمم المخطئين،اذا لم تكونوا قد نسيتوا،فكان هناك سيدات منقبات يفرحن بانتخابهن للسيسى خارج اللجان،و كان هناك شيوخ يذهب مع ابنائه للجان لترشيح السيسى.

اذا اصرينا على الدعوة على الملتحيين و المنتقبات فالنتيجة النهائية هى الفتنة الطائفية،ففى العراق توقف مجموعة إرهابية أتوبيسا ما و تنزل جميع ركابه و تسألهم (سنى أم شيعى) و الموت لمن يجيب خطأ،و نحن بفضل الدعاء على الملتحيين و الاهتمام بأخطائهم سنجد هجوم من الملتحيين المؤيدين للسيسى و قد تتحول مصر الى العراق و هذا حلم الإخوان.

بإختصار نحن نطبق مبدأ (حاميها حراميها) و لكن النسخة السيئة منه (ابنها مدمرها) فنحن ابناء مصر إذا ظللنا نهتم بأخطاء ملتحى او منتقبة دون الإهتمام بما فعلوه للبلد،فبكل تأكيد نحن نسعى الى ميلاد فتنة طائفية و لكن بيدينا ليست بيد الدولة الإرهابية فى العراق و الشام (داعش)

Read More

النهى عن المعروف و الأمر بالمنكر

بخصوص المقال السابق،كنت خايف من ان يربط الناس الدين بالإخوان،خصوصا بعد ظهور الكاريكاتير الذى ربط (سواء بقصد او من دون) الإخوان بالدين و شوه صور اغلب الملتحيين على الرغم من ان هناك ملتحيين مؤيدين للسيسى و ضد الإخوان و السلفيين.

طالما اتكلمت عن الناس المتعصبة لدينها بطريقة غلط،يبقى أكيد لازم أتكلم عن الناس المتعصبة لإلهاء الناس عن الدين

و هنا عايز أسأل سؤال قبل ما اكمل،هو ليه مفيش ناس غير رجال الدين بس اللى كان صوتهم عالى ضد برنامج الراقصة؟؟،فين صوت اهل الفيس اوتويتر اللى كان واضح وقت سفالة باسم يوسف؟

نرجع لبرنامج الراقصة،أعترف انى صغير و معشتش عصر الرقص الذهبى،لكن لاحظت أغلب ردود اصحابى على الفيس او تويتر و رفضهم للبرنامج (مع العلم بأنهم عاهدوا العصر الذهبى للرقص الشرقى)،و أعترف انى ضد مبدأ ان أجيب راقصة ترقص فى فرحى على الرغم من انها العادات القديمة لكن بالنسبة لى الرقص الشرقى اصالته و عتاقته مثل اصالة و عتاقة ريحة الشراب المعفن، و ده ردى على بجاحة المذيع اللى بيقول ان (الرقص الشرقى مش هز وسط،و لا بدلة رقص فيها ترتر،ده فن اصيل)، و اكمل ما تخلى بنتك و مراتك تشترك فى إثراء هذا الفن الأصيل.

دلوقتى المتوقع منى ان اتكلم عن الدين،لكن كلنا عارفين النقطة دى،فهتكلم عن حاجات تانية و هى الاثار المتوقعة من البرنامج ده و برنامج ستار اكاديمى المتصور مباشر من سكن المشتركين و الافلام الهابطة، و هنا لازم أعتذر عن مصارحتى بالحقيقة المؤلمة

1-التحرش:بسبب الرقص و التعرى،فده بيزود الشهوة عند الشباب و النتيجة الحتمية للحوار ده هو انتشار ظاهرة التحرش

2-انضمام الشباب (لا استطيع ان اقول عليهم لفظ رجال) لمسيرة الرقص الشرقى مثل ما حدث فى السنة اللى فاتت فى برنامج arab idol

3-الأنتمة:بقت حاجة طبيعية بين الشباب و البنات فى الجامعات،و قريبا مرحلة القبلات البريئة

4-سرقة صور البنات من النت:فكرونى ان اكتب مقال عن الحماية الإلكترونية لمواقع مثل الفيس و تويتر

5-يحق للإخوان ان يقولوا ان السيسى كافر و بيحب انتشار التحرش،متنسوش ان برنامج الراقصة اتمنع عرضه فى عهد مرسى

6-نظرة الاستنكار و التعجب من الشباب لكبار السن،لأن الشباب مستغرب ازاى الناس الكبيرة خاصرت مسرح باسم يوسف علشان كلامه السافل و مهتمتش ببرنامج الراقصة و لو بتويتة

فى النهاية هذا هو كابوسى،و أخاف أن يتحقق و سيتحقق لو استمر هذه النوعية من البرامج،تقدر تقول هقلب القناة و هقاطعه،هرد و اقولك شوف إيرادات الأفلام الهابطة زى افلام السبكى،كلنا قلنا هنقاطع افلامه،و نجحت للأسف الشديد

الحل هو ان احنا نبدأ من الصفر،و علشان نبدأ من الصفر لازم نهدم كل حاجة خطأ،سواء تعليم يعتمد على الحفظ او مذيعين بيحترفوا الكدب او افلام هابطة جديدة (و خصوصا اللى فيها ممثلين بجحين بيعللوا ان الافلام ديه هى الواقع)

Read More

المتشدقين بالوطنية

التشدق:هو اللت و العجن بالبلدى

(التحدى مقدم من ا/اشرف و ا/مريم و الحوت، التقييم من 0 إلى 10)

يوم 5/يوليو/2014 ارتفعت اسعار الوقود،و طبعا ده كان محور كلام أهل تويتر و الفيس،وقتها انقسم الكلام إلى اكتر من جزء

الجزء الأول:التطبيل فوق الحد للقانون،مع ان سبب كراهيتنا لمرسى هو التطبيل

الجزء الثانى:الأجرة زادت،و المفروض نعمل شركات مواصلات جديدة،و ده ينقلنا للجزء الثالث

الجزء الثالث:الاستثمار،و هنا سألت سؤال ليه الناس المصريين اللى معاها ملايين مبتساعدش مصر؟؟

الناس ديه تقوم تعملنا قناة بفلوسها،و تقوم إعلانات (تحيا مصر) و (علشان خاطر مصر) و (اتبرع لحساب .....) و إعلانات زى كده،بس لما تيجى تطلب منهم انهم يساعدو مصر يبقى الرد بتاعهم (انا مش عارف انا أبقى مين انا مش انا)

يا سيادة الريس،انا مش مختلف معاك بخصوص البنزين،عندك كل الحق،بس برده إيه ذنب المواطن الغلبان و انت عندك حيتانقاعدة على ملايين،و فالحة تجيب مذيعين بيقولوا (اتبرعوا علشان خاطر مصر) او (لازم نجيب الدكاترة و مهندسين البترول علشان نعرف بياخدو كام)،طب ما نجيبكم و نعرف انتوا بتهبروا كام؟؟

يا سيادة الريس،الحل كان فى التاريخ،وقت الشدة على مصر فى حكم قطز،وقتها فكر فى زيادة الضرايب،وقتها مستشاره و استاذه قال مينفعش إلا لما تاخد من الأمراء و الناس اللى فوق،و وافق قطز و قال للناس اللى فوق اتبرعوا،عملوا نفسهم من بنها،قام قفل عليهم القصر و بعت حملات امنية و رجع فلوسهم للخزانة بعد كده رفع الضرايب.

يا سيادة الريس،انت عملت حركة جدعة لما اتبرعت بنص مرتبك،بس الناس ديه للأسف اخرها تتبرع بإعلانين تلاتة و شوية فراخ،لكن يتبرعوا بفلوس و لو نص جنيه،انسى

السيسى اتبرع بنص مرتبه
اشمعنى؟؟
فاكرنا هنعمل زى ما عمل فى مرتبه

الحل يا سيادة الريس تعمل زى البورصة و تنص القانون التالى

إن من يمتلك الجنسية المصرية و يعمل داخل حدود جمهورية مصر العربية بحيث يكون مرتبه من مليون جنيه فيما فوق فإنه عليه ضريبة شهرية تقدر بـ5% مما ينال

ده اللى كان مفروض يحصل الأول،قبل ما حضرتك تنزل القرار بتاع رفع الدعم

نرجع تانى لأهل تويتر

كان فى ردود تانية 

ناس بيشتموا فى محلب و بيقولوا حكومته حكومة رجال أعمال،مش ده برده رئيس الوزراء محلب اللى كنا فرحانين بيه قبل ما يمسك السيسى؟؟؟،إيه اللى اتغير فى الحكومة؟؟ (بجد مش عارف)

بخصوص التطبيل،معاكم ان رفع الدعم ده الحل الصحيح،لكن فى سلبيات فى القرار،و بطريقتكم الرائعة فى التطبيل هتكرهوا الشباب فى السيسى،و ممكن يحس الشباب ان الفرق بين السيسى و مرسى هو حرف C

بخصوص الناس اللى بتقول إيه سبب زيادة  بنزين 95 بنسة 7%،هى ان بالفعل سعر بنزين 95 هو 625 قرش،لكن المشكلة هى غلاء بنزين 80 و السولار اللى هما عصب الحياة المصرية و المواطن الغلبان،و النتيجة السيئة للحوار زيادة اسعار الخضار و الفاكهة و اجرة الميكروباصات،بإختصار تعذيب المواطن الغلبان

بخصوص الناس اللى بتحلم بفلوس الإخوان،فى ناس بتحلم بفلوس الحزب الوطنى،و كلنا عارفين ان مش هنعرف ناخد الفلوس ديه إلا بحكم إعدام الحزبين

اخيرا فى رقم للإتصال بخصوص شكاوى إرتفاع الأسعار،يا رب ميكون زى اسطورة ديوان المظالم الفاشل اللى كان فى عهد الإخوان،يا رب يكون احسن منهم،يإلا بجد هيكون الفرق بين السيسى و مرسى C

-----------------------------------------------------------------
ملحوظة لا علاقة لها بالمقال
أنا أكتر حاجة بحبها النقاش و ان حد ينبهنى على خطأ عملته،لأن ده الوسيلة الوحيدة علشان اطور فى كتاباتى

Read More

رسالة الى مقاطعيين الإنتخابات

إلى أصدقائى الشباب المقاطع للإنتخابات،المتصور أن تلك الإنتخابات هى مهزلة بحق مصر.

يتصور أن السيسى هو مجرم حرب قتل أشخاص فى فض رابعة العدوية،و حمدين صباحى هو شخص أهان ثورة 25 من يناير 2011 بترشحه تلك الإنتخابات.

على الرغم من أنها سلبية إلا أنه يمكنك المقاطعة،و لكن تذكر أن وطنك يطلب مساعدتك،ولكنك بسلبيتك ترفض مساعدة الوطن،و تقول أنه بعد تلك الإنتخابات الغير شرعية ستتظاهر ضد الرئيس الجديد.

هل تعلم ماذا تذكرت بعد تلك الجملة،تذكرت مسرحية يعيش يعيش،رائعة من روائع الإخوين الرحبانى،و شارك فى التمثيل نهاد حداد(فيروز) و هدى حداد (أخت فيروز) و شمس نصرى الدين،تحكى تلك المسرحية عن مدينة ميدا التى تعانى من الإنقلابات (و فى حالتنا مظاهرات و أعمال عنف) كل شهر،و كل إنقلاب لا يؤخذ فيه رأى الشعب،و لكن قادة أى إنقلاب يبدأون بيانهم بقول (بعد الإتكال على الله و الشعب)،فى اخر المسرحية يسألون شمس (ليه كل الإنقلابات بتبقى بعد الإتكال على الله و الشعب؟) فأجاب (لأن الله و الشعب بالهم طويل)،فى الواقع إحنا بالنا قصير،و معندناش وقت،مش مهم تنتخب مين،المهم أنك تساعد مصر

                                              شمس نصرى الدين

25 يناير 2011 - 30 يونيو 2013 ثورة بأمر الشعب
وجه التشابه بينا و بين مدينة ميدا هو ان انقلاباتهم مثل المظاهرات و أعمال العنف

Read More

رسالة إلى سيادة رئيس مصر القادم

 سيادة الرئيس،أكتب إليك كشاب مصرى يعلم أن المستقبل مرهون عليه،فلهذا يرى إمكانيات الحاضر و ما يحتاجه من تعديل و تحديث،فوجدت مشاكل،قد تبدو تافهة فى نظر البعض،و لكنها ذو تأثيرات قاتلة إذا لم تعالج.

مشكلة الدين

مصر دولة متدينة بطبعها،ذلك قديماً،و حالياً أصبحت مصر دولة تحاول نبذ الدين على الرغم من وجود الأزهر و الكنيسة،إلا أن دورهما مقصور فى حدود أسوارهما،و نتيجة لذلك ظهور قنوات الرقص الشعبى و أفلام هابطة تنتهى بفيلم فى الفترة التى تلت 25 يناير 2011،أليس من الأجدر أن نقوى دور الأزهر و الكنيسة ليعم نواحى الحياة؟؟؟

مشكلة التعليم

التعليم بنوعيه (مدرسى،جامعى) يعتمد معظم الوقت على تحفيظ الطالب المعلومة (للأسف) من دون إفهامه،نتيجة لذلك نتج جيل جديد من شباب محدودى الأفق،و المطلوب من هذا الجيل أن يبنى مصر،هل لديك فكرة عن بناء مصر بواسطة جيل لا يفكر و إنما يحفظ؟؟؟

مشكلة البحث العلمى

سأقول ما فهمته من كلام الدكتور العالمى/مجدى يعقوب أثناء دعوته لرجال الأعمال للإستثمار فى البحث العلمى المصرى (فى وقت من الأوقات كان أقتصاد مصر و كوريا الجنوبية و غانا فى نفس الدرجة،و لكن لإهتمام كوريا الجنوبية بالبحث العلمى،تطور اقتصادها،بينما بقينا فى الحضيض نحن و غانا) أظن أن مضمون الرسالة قد وصل

مشكلة النقابات

المفروض أن تكون النقابة مركز لحل مشاكل أشخاص يمتهنون نفس المهنة،لكن كل ما أراه هو دفع والدى إشتراك نقابة المهندسين بإنتظام للحصول على شئ،إذن فما الفائدة من النقابة؟؟

طبعاً لم أتحدث عن مشاكل الإرهاب و الماء و سرقة الكهرباء فى الشوارع و تطوير سيناء و القناة نظراً ليقينى التام بانك تعلمها و أنك أستعددت لها جيداً،لهذا تحدثت إليك بمشاكل لا يجب ان تهمش على الرغم من بساطتها.

Read More

رسالة إلى أهل الدين

السلام عليكم

أعتقد أنه بعد الإنحلال الأخلاقى الموجود فى الشارع،علينا أن نسأل ما سبب تلك المشكلة،أكيد سبب تلك المشكلة هى الأفلام الهابطة الموجودة بالسوق السينمائى،لكن هذا عارض و ليس المرض الحقيقى،المرض الحقيقى هو بعدنا عن الدين سواء إسلامى أو مسيحى.

1-قدم طريقة نشر الدعوة:-

على الرغم من التطور الحالى،إلا أن طريقة نشر الدعوة ما زالت قديمة و لم تستطع أن تواكب التطور،هتقولى أن فى قنوات و برامج إسلامية على التلفزيون و الراديو صفح فيس و تويتر إلى أخر هذا الحديث،كلام حلو،بس سؤال صغير،عدد المتابعين تلك القنوات كام فى المية من شعب مصر؟،و كام واحد من اللى بيتفرج عليهم بينفذ كلامهم؟؟

2-قدم طريقة شرح الخطبة:-

دائما الشيخ او القسيس يقوم بشرح الخطبة او العظة معتمدا على ذكر سيرة السابقين،حلو جداً،لكن أليس من الأفضل أنه بعد ذكر سيرة السابقين يشرح طريقة تطبيقها فى الحياة؟؟؟

3-بعدنا عن كتاب الله:-

طبعا كلنا عندنا المصحف أو الكتاب المقدس كامل على الكمبيوتر أو الموبايل،بس بالأمانة كده سمعتهم كلهم،و لو سمعتهم كلهم بتسمعهم كل أد إيه،بلاش السيرة دى،طبعا عندنا كتب فى السنة و الأحاديث (لا أعلم المقابل بالنسبة للإخوة المسيحين)،فتحتهم؟؟،فهمتهم؟؟،حفظت أد إيه؟؟

4-تعامل الناس مع الدين كأنه عائق:-

للأسف ده حقيقة،المفروض من الدين أن ينظم العلاقة بين الناس،لكن نظرا لتأخر طريقةأدى ذلك إلى تعامل الناس مع الدين كأنه عائق،مش مصدقنى؟،أكيد شفت ناس بتسلم و تقول (ازيك يا ابن...) يقوم صاحبه يرد عليه (كويس يا ابن...)،طبعاً مش محتاج أقول أن النقط دى شتايم.

فى النهاية هذا عرض للمشكلة،فهل ستهتم به؟

Read More

رسالة إلى الإعلامين

بسم الله الرحمن الرحيم

أيها السادة الإعلامين،ما الأمر؟،هل نسيتوا رسالتكم و التى تتمثل فى شرح الحقائق للمشاهدين بجميع جوانبها،كأن مصر ليس فيها إلا السياسة فقط،ماذا عن حث المواطنين على العمل و ترك الفيس و تويتر،ماذا عن جملة (فلنبنى مصر)،أليس ذلك أولى بالإهتمام؟؟؟

أما عن إحترامكم البالغ للشباب،المتلخص فى أن كل الشباب برادعاوى حمدينى محب للتظاهر،أليس الشباب هو الحاكم المستقبلى؟،طبعاً جميعكم تعلمون قصة الملكة حتشبسوت و الشاب تحتمس الثالث الذى تضايق من إهمال الملكة له،فثار ضدها و أقصاها و مسح اسمها من المسلات و المعابد و مسك الحكم بادئاً عصر الفتوحات.

أما عن المشاكل التى نتعرض لها فى حياتنا سواء تحرش أو قطع الكهربا أو سوء المعيشة أو أى شئ أخر،فأنتم تهتمون بها لمدة يوم واحد فقط،ثم ترجعون إلى السياسة أو اتهام قطر و تركيا بتنفيذ مؤامرة على أمن مصر.

فى النهاية أحب أن أقول عدة نقط سريعة

1-مصدر الأخبار العسكرية هو المتحدث العسكرى فقط (مش الفيس او تويتر)

2-فى حدود 30% من شعب مصر هم الذين يهتمون ببرامج التوك شو،و لكن تلك المجموعة لها صوت قوى على الفيس و تويتر،فبرجاء خاص أن تجعلهم ينقلون رسالة لبناء الوطن و ليس لإهانة المختلفين معهم فى الأراء السياسية.

3-لإنهاء مشكلة باسم يوسف،برجاء تسليم ما يدل على أنه جاسوس (الأدلة ليست شبهة) إلى المخابرات العامة المصرية (كفاية إستقطاب)

Read More