تجنن 2014

(أنا أحمد رأفت ابو الرجال،21 سنة،طالب بهندسة كهربا باور،بحب الكتابة،و بشجع الناس أنهم يمسكوا القلم)

دى كانت التويتة الإبتدائية وقت ما بتعرف على صديق جديد على تويتر او الفيس

ليه بحب أشجع الناس على انهم يمسكوا القلم؟

من وقت حكم المعزول مرسى،و كانت حالة أغلب المصريين فى الحضيض(بلا أى مبالغة)،و طبعا أغلب الناس لجئوا لأسهل حل،اللى هو السجاير،و هنا نقف شوية

من مشاكل التعليم مصر خاصة و العربى عموماً(إلا من رحم ربى) هو عدم توضيح البدائل،ناس كتير بتقول (السجاير محرمة)،عندهم حق،بس انت مقلتش ازاى يطلع الواحد قرفه و ضغطه،ازاى يلحق نفسه قبل ما ينهار،مش معنى كده انى مؤيد للتدخين،بس علشان تمنع التدخين لازم تجيب بديل

انا اخترت حل بديل طويل اللى هو الكتابة،بعد كده اتعرفت على أصحاب من الفيس و تويتر شجعونى على الكتابة،و قررت فى يوم أنى أشوف مقالاتهم أو ابداعاتهم،ناس كانت خايفة من انها تمسك القلم،و ناس اتحججت بضيق الوقت،و ناس كتبت فعلا

مجدداً ادعو اصدقائى للكتابة او الشعر او الرسم او الكاريكاتير،و أنا هنشرهم فى مدونتى البسيطة

خطوات إخراج موهبتك إلى الواقع(مهما تكن):
1-حدد فكرة بسيطة قادر على فعلها
2-دع الفكرة تسيطر عليك و تحدد خطوطها و ملامحها بنفسها
3-أكتب فكرتك (إذا كانت تحتاج إلى كتابة) فى ورقة مثل (الكتابة،الشعر،الموسيقى،الرسم،....) و أخرج فكرتك إلى الورق بدون تصحيح
4-أنقد ما كتبته فى إطار الإحترام و عدم تدمير موهبتك

شروط إرسال إبداعاتك:

1-للأسف محدش يعرف يفصل السياسة عن الحياة المصرية،بس إذا سمحت خفف حدة السياسة بالمقال

2-المقالات الدينية للأسف مش هنشرها،إلا لو كان تطبيق الدين الإسلامى و المسيحى بالحياة الحاضرة

3-يمنع الشتائم تماما،سواء للإخوان او شئ اخر

4-بخصوص الشعر،قصيدة واحدة طويلة (15 بيت فيما فوق)،او عدة قصائد قصيرة

5-بخصوص الرسم و الكاريكاتير،برجاء تصوير رسوماتك بطريقة جيدة لكى يتم نشرها،و يفضل(ليس اجباريا)استخدام scanner

6-لمستخدمى برامج الفوتوشوب،لازم تبعتلى توقيعك اللى فى الصورة،و هنشر بس الصور المكتوب عليها كلام (ليا طرقى فى أن أعرف الصورة مسروقة و لا من تصميمك)

7-لإرسال المقال أو الشعر يفضل (علشان تنسيق المقالة او الشعر) كتباتها فى ملف word

 و يتم إرسال الملف إلى 

a)email:

tagnn@outlook.com

b)facebook msgs:

my fb acc حسابى على الفيس

8-بخصوص الصور و الرسومات يتم إرسالها كمرفقات للحسابين السابق ذكرهم

9-اذا كتبت مقالة او شعر او ما سبق ذكرهم و نشرتهم على الفيس و تريد إعادة نشرهم،ابعتيلى الرابط فى رسالة على حساب الفيس او تويتر

ملحوظة:انا مش بوعدك أنك هتكون مشهور،كل اللى بوعدك بيه هو حل بديل عن السجاير و الخوف اللى جواك،كل اصحابنا هيقروا المقالة،و احنا ناس عادية جدا لا معانا المشهور علان و لا المشهورة فلانة

فى النهاية المقال أقول

منتظر إبداعاتكم،منتظر جنونكم

Read More

و ماذا فعل الفليسطنيون لغزة؟

أعتذر المقالة بالفصحى

---------------------------------------------------------------------------

فى عهد السادات الله يرحمه،سُئل وقت إحتفالات نصر اكتوبر (كيف تحتفلون و ‫#‏غزة‬ تحت القصف؟)،فرد السادات(و ماذا فعل الفلسيطنيون لغزة؟)

فى المقالة السابقة،تحدثت عن أعدائى و ترجيت من الجميع عدم شراء المنتجات الإسرائيلية و التعاطف مع إسرائيل (و أقر أنى كتبت بعض الأدلة الضعيفة بالمقال)،و كانت اغلبية الردود من طراز(اهل غزة يسبوننا و ان هذا الامر تمثيلية)،طبعا لم أعترف بأن هذا الامر تمثيلية فى وقتها،حتى هوجم سكان العريش أمس بعد مباراة كأس العالم،ثم توضح الامر أكثر من مقولة المعزول فى محبسه (لك الله يا غزة)

لكن هناك رد أعجبنى من الاستاذة عزة(لن أتعاطف مع إسرائيل و أهل غزة صعبانين عليا بجد،بس لازم ينتفضوا ضد حماس و يخلصوا منهم،بس واضح أنهم راضيين عنهم)،عندها حق،تذكرون وقت حركة تمرد ضد حكم الإخوان كان هناك حركة تمرد فليسطنية ضد حركة حماس،طبعا جميعنا نعلم نتيجة تلك الحركتين،فوز احداهما و هزيمة الأخرى

و هنا نسأل لماذا الفشل؟،لعله الخوف،و لكن من من؟،من الجنود الإسرائيلين،و لكن الفيديوهات التى تشرونها تدل على عدم خوفكم،لعلكم تخافون من حماس،حقاً؟؟؟؟،اذن السبب الحقيقى للخوف هو الأنفاق

حماس كانت الراعى الرسمى و الوحيد للأنفاق المصرية-الفليسطينية،فترة عزل مرسى كانت أيام سوداء عليهم بمعنى الكلمة،و اشتدت حلكة تلك الأيام مع تدمير جيشنا لتلك الأنفاق،مسببة نقص المنجات المسروقة من مصر مثل السيارات و البنزين و الطعام و الاسمنت....الخ

و حتى تتحول تلك الأيام السوداء على حماس فلابد من تطبيق لعبة (ميناء اللآلئ pearl harbour) الحقيرة

كانت انجلترا ضعيفة ضد الإحتلال النازى،و الحل الوحيد للإنتصار هو دخول أمريكا،فاستفادت إنجلترا من جاسوس يابانى فى أمريكا و أوهمه أن أمريكا ستدخل الحرب،و من ثم بلغ معلوماتها إلى اليابان فقررت اليابان الهجوم السريع على ميناء اللآلئ الأمريكى

و تم تطبيقها بهجوم خس على العريش،بعد ما كانت حماس تهاجم بصواريخ ضعيفة امام إسرائيلى حتى تدك إسرائيل فلسطين بقذائف الهاون،وقتها تبكى حماس من أجل أن تجمع التبرعات.

طبعاً الخاسر الوحيد هو أهل فلسطين،الكارهين للإسرائيلين و لحماس،ليسوا بالضرورة ينتمون إلى فتح

فى نهاية هذا المقال أوجه رسالة إلى حماس:لقد كره اغلب العرب خستكم،و بسبب ذلك لم يعودوا يهتموا بالقضية الفلسطينية،يا رب على كل مليم تأخذونه بجيوبكم النجسة يحترق قلوب أبنائكم أمام أعينكم من أيدى أصدقائكم الحقراء (العدو الإسرائيلى)

--------------------------------------------------------------------------------

ملحوظة:بكره اخر مقالة فى الأسبوع

Read More

عن اعدائى اتحدث

قبل قرائتك للمقال،تذكر أن اختلاف الراى لا يجب أن يفسد الصداقة

----------------------------------------------

منذ عدة أيام هال خبر الهجوم الإسرائيلى على غزة ابا محمد،فلهذا قرر أن يغير نظام يومه،فيعد فطار يوم رمضانى،و مشاهدته للمسلسلات ثم الصلاة قرر فتح الحاسب الالى لكى يلعب sodoku،و بخلاف عادته للإستماع إلى أم كلثوم،استمع إلى الالبوم اللبنانى (القدس) للمغنين (هدى حداد و فيروز و شمس نصرى الدين)،و بعد ان انتهى من اللعب طلب مساعدة من ابنه لشراء احتياجات المنزل و وعده بمشاهدة مباراة كأس العالم،فاشتريا عبوة معدنية لمنتج كوكاكولا مكتوب عليها اسم (محمد)،و عبوة مخفضة الثمن لمنتج بيبسى ثم ذهبا للقهوة لمشاهدة كاس العالم،فى نهاية اليوم قرر ابو محمد فتح حساب الفيس و رأى صور جنودنا المصريين الذين إغتيلوا فى مذبحتى فتح الاولى و الثانية مع كلمة (لا تعاطف مع غزة)

المكتوب بالاعلى للاسف قصة حقيقية تحدث فى العديد من المنازل المصرية مع اختلاف الشخصيات،للاسف أعتبرنا أن أهل غزة جميعهم حماس،و لهذا سبب وجيه تبدأ أحداثه مع حرب الاستنزاف،ثم تأتى أحداث مذبحتى رفح الأولى و الثانية فى شهرين رمضان متتاليين

الحمد لله ان سيادة الرئيس عبد الفتاح السيسى قام بفتح المعبر للحالات الإنسانية،و طبعا قرر خونة حماس أن تمنع مرور المصابين و الحالات الإنسانية إلى مصر.

و لكن مهما قلت فلن أنسى جرائم خونة حماس و بيت المقدس فى حق جنودنا المصريين،و هذا الأمر يزيد من كراهيتى لهم،و لكن ما يجعلنى أدعى لغزة هو 3 نقاط

1-أن العائلة المقدسة (عليها السلام) ولدت ابنا ببيت لحم بفلسطين سمى بسيدنا عيسى (عليه السلام)

2-أن مسجدى الأقصى و قبة الصخرة بفلسطين

3-أن عدوى الأول كان و لا يزال و سيظل إسرائيل

فقط تذكر صديقى القارئ،أنا لا اقول لك ان تسامح أشخاصا ضعفاء سُلط عليهم خونة،الخونة قاموا بقتل شبابنا و جنودنا،و الضعفاء لا يستطيعون فعل شئ ضد الظلم لأنهم مشغولون بالبقاء قيد الحياة ضد عدوهم الإسرائيلى،و لا أقول أن تفرح على ان سيادة الرئيس وافق على فتح المعبر للحالات الإنسانية الطارئة،و لكن أقول لا تتعاطف مع عدوتك الحقيقية إسرائيل

تذكر أن كلمة cocacola عند النظر إليها بالمرأة تصبح لا مكة لا محمد

تذكر أن كلمة pepsi إختصار إلى

Pay every penny saving Israel

ادفع كل قرش لمساعدة إسرائيل

و الان ساسألك،هل تعاطفت مع إسرائيل اليوم؟؟؟

Read More

فن التعامل مع الجنس الأخر ج2

المقال ده كوميدى،هدفه الواضح الهزار،بس هدفه الحقيقى توضيح سبب المشاكل بين الزوج و الزوجة،فى ناس اتضايقت لما كتبت (كيف تتعامل مع المرأة؟)و قالوا ان التعامل لازم يكون بإحترام،ده هكتبه أدام فى مقالات بس مش كوميدية

--------------------------------------------------------

كيف تتعاملين مع الرجال؟

حتى تتعاملين مع الرجال،عليكى ان تدركى حقيقة هامة و هى إعتزازه بكبريائه،يعنى يا برنسيسة خلى بالك من غضبه

1-الخروج مع أصحابه (بقلم/شمس الضحى)
الراجل من دول بيبقى قاعد على القهوة و لا بيتفسح مع أصحابه،و يرجع البيت يتأمر،و لو الواحدة تعبانة و طلعان روحها من الطبيخ و الغسيل و ولاده و طلباتهم اللى مبتنتهيش،و لو قالت تعبانة يا داهية دقى يصرخ بصوت عالى زى الأسد البنغالى (عملتى إيه يعنى؟،انا أقدر أعمل كل ده بضفر صباعى الصغير)،طيب و حياة أبوك ايدينا ضفرك اخلص الشغل و ارجعهولك.

2-كازانوفا فى الزواج(فكرة داندروما)
الواد و هو ناوى يتجوز،يقوم يضرب من الحج 10 جنيه يقص شعره و دقنه و ياخد منه 75 قرش يشترى بيه كيس جل بربع جنيه و ريحة لولوا بالباقى،و يسمى الله و يخش يشوف العروسة اللى أهله اختاروها له،و التعليقات بتكون(لأ دى شبه نجلاء فتحى مفيش منها هيفاء،دي عيونها فستقى عايز منها عسلى)،النوعية دى لو قابلتيها ردى عليه و قولى(على اساس انك توم كروز،ده انت يا حيلتها حاطط كيس ريحة لولوا بنص جنيه)

3-الراجل بينادى الست بالغفيرة(من تعاملاتى مع جروب العائلة على الواتس اب)
بعد كام سنة زواج،الجسم بيقل جماله،وقتها زوجك بيناديك بدل (حبيبة قلبى) إلى (الغفير راح الغفير جه و أحياناً الشاويش عطية)،و طبعا فى الكليات مقوليكيش،معظم البنات بالنسبة للشباب غفر،علشان تتعاملى مع النوعية دى لازم تجمدى قلبك و إيديك،و ارزعيه قفا جامد و قوليله (البيه المامور عايزك)،و سلمى لصاحبتك الجامدة جدا علشان تنفخه

4-بيبوظ الشقة و مش بينضف وراه(شكرا يا داندروما)
الراجل اليومين دول بيرمى هدومه هنا،يوقع حاجات هنا،و فى الأخر ينتبه ان الشقة وسخة،يقول لمراته (ما تنضفى يا هانم)،الحل انك تركبى كاميرات مراقبة فى الشقة و تسجيليله،و يوم الخميس تعزمى مامتك و تشغلى الفيديوهات دى ادامهم،و خلى مامتك تتعامل

5-على حق حتى لو كان غلطان(من ملاحظاتى)
الولد و هو صغير يقع العيلة كلها تجرى عليه،لكن لو بنت وقعت يقولوا فوقى يا هبلة،كبروا شوية و بيركبوا عربيات لو الواد كسر إشارة عادى،لكن لو بنت كسرتها يومه يبقى مش كويس،لما اتجوزوا،لو الست سابت الرز على النار 3 ثوانى زيادة على الرز يبقى مبتعرفش تطبخ،و هنا اكتشف مركز معا لنشر الحقيقة ان 15% من الرجالة بيعرفوا يطبخوا،فدبسى زوجك فى أنه يعمل حلة رز،هيطلع اسود ومهبب

Read More

الرد عل سيادة المواطن س ج1

إعلان هام

الجزء الأول

بسرعة كده،انا أحمد رأفت أبو الرجال صاحب المدونة،فكرت أن أفضل حل لتقريب وجهات النظر هو عرض وجهات نظر أصحابى تحت اسم سيادة المواطن س.

فى الجزء الأول تحدثت عن فترة 25 يناير،و كيف ان س أعتبر أنها ثورة قامت على خونة و أن الشعب ساند الثورة من اجل اسباب حقيقية تتلخص فى فساد نظام الحكم،و كانت نهاية تلك الثورة هى سرقتها

ثم وضح رأيه بالرئيس مبارك،و عرف الخونة من وجهة نظره

دلوقتى فى المقال ده هنشر الردود على المقال السابق

ملحوظة:تم حجب الأسماء و المنشنات لسبب بسيط و هو انى لا أريد ان يكون س شخص له حساب على تويتر،بل اريد أن يكون س أى شخص فى أى مكان،يكفيه فقط ان يكون مصرى

س1:الفكرة جميلة و متعصبش...لأنى ببساطة سيادة المواطن مصرى

س2:أنا ضد 25 يناير لأنى كنت حاسة فيها بالغدر و عمرى ما اقتنعت ان شرطتنا ليها إيد فى اللى حصل،و يكفى أن مبارك اول ما عرف أن الإخوان نزلوا انسحب

س3:كلامك صح،لكن أرى أن المطلبتية مثلهم كالخونة يعملان ضد الوطن

س4:هو ده الوعى العام اللى عندنا احنا السينات و نفس الرأى تقريبا

س5:بجد جامد جدا

و كل هذا ردود بسيطة

لكن أفضل رد كان (مش هصور التويتات بس هكتبها)

الكلام نقاطه تمام لكن ردودى عليه مختلفة دون غضب او عصبية هحاول أكون مختصر و مفيد

اولا كنا وصلنا فعلا مرحلة فساد مستشرى و مستبد من المجموعة من المجموعة المنتفعة المحيطة بالرئيس و بعض من طائفة الأمناء و المخبرين و بعض ضباط المباحث و بعض اصحاب السبوبة من اصحاب البيزنس و ده موجود فى كل البلاد

قامت 25 يناير و انا رفضتها من البداية

ليه؟

انا ضد أى ثورة تضع يدها مع إخوان الندامة اعرف أنها منعدمة الهدف و ملهاش دعوة بمطالب الشعب و افسدها

لو عايز تعرف،تعال الشباب على الشعب و المجتمع و أنه فاهم كل حاجة و الميديا الفاسدة عشان تحافظ على نفسها قعدت تنفخ فى الشباب الطاهر النقى اللى مبيغلطش و فرقوهم فرق و احزاب أظهرت الأنانية و الغباء فى التفكير و معالجة الموضوعات بدلا من إعدادهم بجد لتولى المسئولية

أيها الشاب المصرى الوطنى طلع النخوة المصرية اللى جواك و ابنى بلدك

http://baladnaa.org/node/3306

--------------------------------------------------------------------

ملحوظة بعيدة عن المقال

بكره مقال كوميدى (كيف تتعاملين مع الرجل)

Read More

المتشدقين بالوطنية

التشدق:هو اللت و العجن بالبلدى

(التحدى مقدم من ا/اشرف و ا/مريم و الحوت، التقييم من 0 إلى 10)

يوم 5/يوليو/2014 ارتفعت اسعار الوقود،و طبعا ده كان محور كلام أهل تويتر و الفيس،وقتها انقسم الكلام إلى اكتر من جزء

الجزء الأول:التطبيل فوق الحد للقانون،مع ان سبب كراهيتنا لمرسى هو التطبيل

الجزء الثانى:الأجرة زادت،و المفروض نعمل شركات مواصلات جديدة،و ده ينقلنا للجزء الثالث

الجزء الثالث:الاستثمار،و هنا سألت سؤال ليه الناس المصريين اللى معاها ملايين مبتساعدش مصر؟؟

الناس ديه تقوم تعملنا قناة بفلوسها،و تقوم إعلانات (تحيا مصر) و (علشان خاطر مصر) و (اتبرع لحساب .....) و إعلانات زى كده،بس لما تيجى تطلب منهم انهم يساعدو مصر يبقى الرد بتاعهم (انا مش عارف انا أبقى مين انا مش انا)

يا سيادة الريس،انا مش مختلف معاك بخصوص البنزين،عندك كل الحق،بس برده إيه ذنب المواطن الغلبان و انت عندك حيتانقاعدة على ملايين،و فالحة تجيب مذيعين بيقولوا (اتبرعوا علشان خاطر مصر) او (لازم نجيب الدكاترة و مهندسين البترول علشان نعرف بياخدو كام)،طب ما نجيبكم و نعرف انتوا بتهبروا كام؟؟

يا سيادة الريس،الحل كان فى التاريخ،وقت الشدة على مصر فى حكم قطز،وقتها فكر فى زيادة الضرايب،وقتها مستشاره و استاذه قال مينفعش إلا لما تاخد من الأمراء و الناس اللى فوق،و وافق قطز و قال للناس اللى فوق اتبرعوا،عملوا نفسهم من بنها،قام قفل عليهم القصر و بعت حملات امنية و رجع فلوسهم للخزانة بعد كده رفع الضرايب.

يا سيادة الريس،انت عملت حركة جدعة لما اتبرعت بنص مرتبك،بس الناس ديه للأسف اخرها تتبرع بإعلانين تلاتة و شوية فراخ،لكن يتبرعوا بفلوس و لو نص جنيه،انسى

السيسى اتبرع بنص مرتبه
اشمعنى؟؟
فاكرنا هنعمل زى ما عمل فى مرتبه

الحل يا سيادة الريس تعمل زى البورصة و تنص القانون التالى

إن من يمتلك الجنسية المصرية و يعمل داخل حدود جمهورية مصر العربية بحيث يكون مرتبه من مليون جنيه فيما فوق فإنه عليه ضريبة شهرية تقدر بـ5% مما ينال

ده اللى كان مفروض يحصل الأول،قبل ما حضرتك تنزل القرار بتاع رفع الدعم

نرجع تانى لأهل تويتر

كان فى ردود تانية 

ناس بيشتموا فى محلب و بيقولوا حكومته حكومة رجال أعمال،مش ده برده رئيس الوزراء محلب اللى كنا فرحانين بيه قبل ما يمسك السيسى؟؟؟،إيه اللى اتغير فى الحكومة؟؟ (بجد مش عارف)

بخصوص التطبيل،معاكم ان رفع الدعم ده الحل الصحيح،لكن فى سلبيات فى القرار،و بطريقتكم الرائعة فى التطبيل هتكرهوا الشباب فى السيسى،و ممكن يحس الشباب ان الفرق بين السيسى و مرسى هو حرف C

بخصوص الناس اللى بتقول إيه سبب زيادة  بنزين 95 بنسة 7%،هى ان بالفعل سعر بنزين 95 هو 625 قرش،لكن المشكلة هى غلاء بنزين 80 و السولار اللى هما عصب الحياة المصرية و المواطن الغلبان،و النتيجة السيئة للحوار زيادة اسعار الخضار و الفاكهة و اجرة الميكروباصات،بإختصار تعذيب المواطن الغلبان

بخصوص الناس اللى بتحلم بفلوس الإخوان،فى ناس بتحلم بفلوس الحزب الوطنى،و كلنا عارفين ان مش هنعرف ناخد الفلوس ديه إلا بحكم إعدام الحزبين

اخيرا فى رقم للإتصال بخصوص شكاوى إرتفاع الأسعار،يا رب ميكون زى اسطورة ديوان المظالم الفاشل اللى كان فى عهد الإخوان،يا رب يكون احسن منهم،يإلا بجد هيكون الفرق بين السيسى و مرسى C

-----------------------------------------------------------------
ملحوظة لا علاقة لها بالمقال
أنا أكتر حاجة بحبها النقاش و ان حد ينبهنى على خطأ عملته،لأن ده الوسيلة الوحيدة علشان اطور فى كتاباتى

Read More

ما فوق الحد

هناك ظواهر كثيرة فى حياتنا تجاوزت الحد المنطقى لها،و بسبب ذلك أصبحت تلك الظواهر تهدد شعب مصر خاصة و الشعب العربى عامة.

1-الإعلانات

المفروض ان الإعلان يكون بسيط و يوصل فكرة للمشاهد،لكن الإعلانات دلوقتى،غالبا الهدف منها ان صاحب الإعلان عايز يجوز بنته،فيعملها إعلان تتشهر بيه،و لا إعلان كيس ريحة (لولوا)،انا عارف ان البنات اكتر من الولاد،لكن الاقى ولاد ببتسهوك فى الإعلانات،ليه عايزين تتجوزوا،مش لا قيين بنات إزاى،و من هنا نستنج ان ثقافة الإعلان المصرى تتلخص فى البنات و السهوكة و رشة اغانى شعبى

2-الأغانى الشعبى

زمان كان المغنين الشعبين القدامى زى عدوية و حكيم و شعبان عبد الرحيم بيغنوا اغانى حلوة و بسيطة و جميلة،بعد كده نزل سعد الصغير باغانيه و دبانته و حماره و العنب،و بعد 25 يناير نزل اختراع جديد اسمه اوكا و اورتيجا و المدفعجية و الأغانى الراقية زى (اديك فى الأرض تفحر)،و طبعا مننساش الراقصات المحترمات جداً زى صافيناز

3-المسلسلات

زمان كانت المسلسلات زى الف ليلة و ليلة او تاريخى او بيعرض قضية زى يا رجال العالم اتحدوااو دراما و دلوقتى المسلسلات بقت كوميدية تافهة أوى أو هيفاء و روبى.يا حلاوة

4-القمامة

أوجد العبارة الخاطئة

1-نحن شعب يريد التطور

2-قال رسول الله صلى الله عليه و سلم (النظافة من الإيمان)صدق رسول الله صلى الله عليه و سلم

3- أَيُّهَا الأَحِبَّاءُ لِنُطَهِّرْ ذَوَاتِنَا مِنْ كُلِّ دَنَسِ الْجَسَدِ وَالرُّوحِ، مُكَمِّلِينَ الْقَدَاسَةَ فِي خَوْفِ اللهِ-------رسالة بولس الرسول الثانية إلى أهل كورنثوس 7: 1

4-نحن شعب متدين

مفيش حاجة غلط،دلوقتى نحط الصورة دى و دور على الغلط

(اطلب من سيادة الوزير المسئول عن النظافة،يحط ضريبة على النظاقة 2000 جنيه 

للمدينة القذرة و 200 جنيه على المدينة النظيفة)

الأضرار الناتجة من تلك الظواهر

*زيادة حالات التحرش،و ده متوقع من أفلام هابطة زى السبكى

*وفاة اشخاص بلا ذنب زى الطفلة زينب الله يرحمها

*الشباب و الأطفال حافظين أغانى للمدفعجية و اوكا

*زيادة انتشار الأمراض القاتلة

دلوقتى احنا عندنا طريقين،يا نحل المشكلة،يا تضيع مصر

------------------------------------------------------------------
ملحوظات ليس لها علاقة بالمقال
انا أحمد رأفت أبو الرجال (حفيد ابو الرجال) شاب،فبالتالى المدونة مش كلها سياسة و جد
السبت:مشكلة ملحوظة او تحدى
الاحد:مقال عادى
الاثنين:تجنن (لنشر اعمالك ارسلها على tagnn@outlook.com)
الثلاثاء:نشر افكار لشخص مصرى ممكن توافق عليها و ممكن لأ سيادة المواطن س
الاربعاء:مقال هرتلة
الخميس:مقال كوميدى

أعتقد ان كده تمام

Read More

فلنرقص دانص على سلك عريان ج1

ما قبل القصة

ما امامك هى بذرة إنشاء قصة،كل ما اطلبه منك مساعدتى فى تحويلها إلى قصة،على الرغم من مقالاتى لا أستطيع كتابة قصة.

(ما امامك المفروض يكون قصة طويلة،البداية بدأت مع مقالة و قررت امى ان تتعلم تويتر،وقتها طلبت منى مذيعة الغد/شروق علاء ان اكتب قصة طويلة،فملقتش غير فترة الامتحانات اكتب عنها)

بصوت ذكنثورى* ناعم،سألتنى صديقتى المهندسة:هى دى حلها إزاى يا بشمهندس؟؟،فى تلك اللحظة تذكرت انا ليه كنت واقف هنا اساساً..

-قبل شهر و اسبوع قبل تلك المحادثة (اسبوعين قبل بدء امتحانات الفرقة الثانية كهربا باور الشروق)

انا:قررت قرار حاسم ان اقفل النت،فعلشان كده سبت نمرتى فى الفيس و تويتر.

(بعد القرار بخمس دقايق)

انا:ازيكم يا أحلى صحبة؟

اصحابى:عامل إيه يا باشا فى الإمتحانات؟

انا:اهو بحاول ألم فى الدواير المصغرة electronics

اصحابى:ربنا معاك،خش ذاكر

وفاة الأستاذة سالى جناب المشيرة الله يرحمها (ممكن الفاتحة على روحها).

-قبل شهر قبل بدء تلك المحادثة

اصحابى:عامل إيه يا باشا؟؟
انا:برقص دانص على سلك عريان.
اصحابى:ليه كفى الله الشر؟؟
انا:الامتحانات
اصحابى:ااااااااااااااااااه،طب خلى بالك لتقطع الكهربا
انا:متخافوش انا موصل للتيار و مبعملش قفلة

--------------------------------------------------------------------------------
*ذكنثورى::هى فصيلة جديدة ظهرت فى أوساط النساء المصريات خاصة و العربيات عامة و أوضح العالم التشريحى (كرهت الفيزون) أن هذه الفصيلة تبدو كالنساء من الخارج و لكنها تختلف مع الأنثى فى تصرفاتها و صوتها و أكلها للفول و الطعمية و ترتدى الفيزون
و يرجح عالم الأمراض(الفيزون صابنى و رب العرش نجانى)أن سبب صدور تلك الفصيلة هو مرض خبيث ينتقل بين الفتيات الذكنثورين الى فتاة (عمرو دياب/عمرو خالد) و أول إصابة بالمرض كانت مع بداية الموجة التركية و لم يجد له علاجا حتى الأن

يتبع...

Read More

سيادة المواطن س ج1

ما قبل المقال

نظرا علشان محدش بيسمع للتانى مع الأسف،فالحل اللى لقيته انى اكتب افكار اصحابى هنا،ممكن تعجبك و ممكن لأ،بس الأهم انك متتعصبش لو معجبتكش الفكرة،و عموما الدول المتقدمة بتعتمد على التناقض فى الأفكار علشان تتطور،بس احنا بنعتمد على التناقض فى الأفكار علشان نقتل بعض.

انا:من انت؟؟

س:انا سيادة المواطن س،مصرى.

انا:نبدأ الحديث بتاعنا منين؟؟؟

س:نبدأ من الأول،من 25/يناير/2011

انا:إيه رأيك فيها؟

س:حدث ثورى ضخم،بدايته كان شوية خونة،و الشعب ساعد الثورة علشان اسباب حقيقية 100%،و فى الاخر اتسرقت الثورة من الإخوان المتاسلمين و 6 ابريل.

انا:إيه الأسباب اللى نزلت الشعب؟

س:ظلم الداخلية و فساد النظام

انا:إيه رأيك فى مبارك؟؟

س:احترمه فى نقطتين،انتصاره فى حرب اكتوبر و انه انسحب من غير دم و سلم القيادة للجيش

انا:و النظام؟؟

س:كان فاسد،فلو كان مبارك عارف بفساد نظامه و عايلته فدى مصيبة،لو مش عارف دى مصيبة أسود،لكن فى ناس مجهولين لولاهم كان وضعنا بقى زى السودان

انا:نظامه و مفهومة،اشمعنى عايلته؟؟

س:اوعى تنسى النكت اللى اتنشرت فى اخر 5-10 سنين من حكمه

انا:فى رأيك مين اللى ضرب نار الأول؟الشرطة و لا المتظاهرين؟

س:23-24/يناير/2014 كان هجوم بالغاز و الخرطوش على المتظاهرين من الشرطة،بعد كده حصل احتلال من المتظاهرين لمراكز الشرطة

انا:ايه المشاكل اللى كانت فى الفترة ديه؟

س:الخونة و المطبلتية و اللى سرق هدوم الجيش...

الخونة:معروف من لسانه،لو افتكر انه لسان الثورة فدول الناس اللى فوق من 6/ابريل،لو لسان الإسلام فدول الإخوان و السلفيين،لو قرروا تقسيم مصر لدولة إسلامية و دولة علمانية فدول اقباط المهجر

المطلبتية:اى واحد حمس الشباب ضد المجلس العسكرى،بعد كده شتم الشباب (من غير ما يعتذر) و و طبل للمجلس العسكرى و مرسى،بعد كده شتم مرسى و مدح الشباب،بعد كده بقت تسليته الوحيدة شتم الشباب من غير ما يفهمه و يعلمه فده طبال

اللى سرق هدوم الجيش:كانوا هيدمروا العلاقة بين الجيش و الشرطة لولا ستر الله

لو حضرتك مختلف مع افكار سيادة المواطن س،فبرجاء الرد بإستخدام حساب الفيس نظرا لمشكلة فى المدونة،او يمكنك ارسال مقال على الإيميل التالى
tagnn@outlook.com

Read More