الجمعة، أبريل 25، 2014

رسالة إلى سيادة رئيس مصر القادم

 سيادة الرئيس،أكتب إليك كشاب مصرى يعلم أن المستقبل مرهون عليه،فلهذا يرى إمكانيات الحاضر و ما يحتاجه من تعديل و تحديث،فوجدت مشاكل،قد تبدو تافهة فى نظر البعض،و لكنها ذو تأثيرات قاتلة إذا لم تعالج.

مشكلة الدين
مصر دولة متدينة بطبعها،ذلك قديماً،و حالياً أصبحت مصر دولة تحاول نبذ الدين على الرغم من وجود الأزهر و الكنيسة،إلا أن دورهما مقصور فى حدود أسوارهما،و نتيجة لذلك ظهور قنوات الرقص الشعبى و أفلام هابطة تنتهى بفيلم فى الفترة التى تلت 25 يناير 2011،أليس من الأجدر أن نقوى دور الأزهر و الكنيسة ليعم نواحى الحياة؟؟؟

مشكلة التعليم
التعليم بنوعيه (مدرسى،جامعى) يعتمد معظم الوقت على تحفيظ الطالب المعلومة (للأسف) من دون إفهامه،نتيجة لذلك نتج جيل جديد من شباب محدودى الأفق،و المطلوب من هذا الجيل أن يبنى مصر،هل لديك فكرة عن بناء مصر بواسطة جيل لا يفكر و إنما يحفظ؟؟؟

مشكلة البحث العلمى
سأقول ما فهمته من كلام الدكتور العالمى/مجدى يعقوب أثناء دعوته لرجال الأعمال للإستثمار فى البحث العلمى المصرى (فى وقت من الأوقات كان أقتصاد مصر و كوريا الجنوبية و غانا فى نفس الدرجة،و لكن لإهتمام كوريا الجنوبية بالبحث العلمى،تطور اقتصادها،بينما بقينا فى الحضيض نحن و غانا) أظن أن مضمون الرسالة قد وصل

مشكلة النقابات
المفروض أن تكون النقابة مركز لحل مشاكل أشخاص يمتهنون نفس المهنة،لكن كل ما أراه هو دفع والدى إشتراك نقابة المهندسين بإنتظام للحصول على شئ،إذن فما الفائدة من النقابة؟؟

طبعاً لم أتحدث عن مشاكل الإرهاب و الماء و سرقة الكهرباء فى الشوارع و تطوير سيناء و القناة نظراً ليقينى التام بانك تعلمها و أنك أستعددت لها جيداً،لهذا تحدثت إليك بمشاكل لا يجب ان تهمش على الرغم من بساطتها.

الاثنين، أبريل 14، 2014

أعذرونا،فنحن لم نعش فى عهد عبد الناصر

السلام عليكم

قبل ما نبدأ هعرض شوية حقائق هحتاجها فى المقال:
  1. أسلوب الشباب يتلخص فى (لن أعيش فى جلباب أبى)
  2. الشباب (على الرغم من الخونة اللى كانو بينهم) هم الشعلة الرئيسية فى ثورة (سميها نكسة لو أنت عايز) 25 يناير
  3. الشباب(بالأخص محمود بدر)هو صاحب فكرة ثورة 30 يونيو 2013
  4. السادة الذين تجاوزوا سن الشباب،لا يحترمون رأى الشباب السياسى و لا يتناقشون معهم بإحترام (و ممكن الخطأ مننا بنسبة 80%،بس ده سببه برده الناس الكبيرة بنسبة 75%)
  5. البرامج التلفيزيونية السياسية لا يشاهدها إلا من تجاوز سن الشباب
  6. برنامج البرنامج لباسم يوسف (قول عليه خاين و حقير و اراجوز و سارق مقالات زى ما انت عايز)يشاهده على الأقل بنسبة 85% من الشباب
  7. حب الشباب للبرنامج بسبب أنه يوضح نفاق الإعلامين (ينفع تسميتها بتمجيد للسيسى زى ما حصل للزعيم عبد الناصر،لكن أعذروا الشباب فهم لم يعيشوا فى عهد عبد الناصر)
  8. 25% من الشباب مؤيد للسيسى،25% من الشباب مؤيد لحمدين،50% لن يرشح أحد.
  9. 15% من الشباب يتابع أحمد أدم (سميه فاشخ الأراجوز زى ما انت عايز)
  10. معرفة الشباب للسياسة زى معرفة العراوى للعلم الذرى،مجرد اسم عارفينه و بس.
  11. معرفة الذين تجاوزوا سن الشباب للسياسة نفس علم الشباب.
  12. معظم المصريين بيكرهوا برامج التوك شو (ده إذا مكنش الكل)
  13. #سأنتخب_السيسى_ومش_هنزل_لمستواك كل اللى كتب فيه بنسبة 98% شتم حمدين و الإخوان اساساً
  14. الشباب قرفان و قريب هينتقم من كل واحد أهانه و مهتمش بيه،و البلد مش ناقصة.

دى حقايق و ثوابت،نبدأ المقال

فاكرين الملكة حتشبسوت العظيمة،كانت غلطتها انه هى مهتمتش بتحتمس التالت (كانت عمته)،النتيجة هو أن الملك تحتمس نفاها من حكم مصر.

طبعاً البلد مش ناقصة ثورة لأن كلنا مش فاهمين سياسة،اما تحتمس التالت فكان قائد عسكرى،فكك من دى،فى عهد مرسى كان كل المصريين اتضيقوا من قطع الكهربا و الماية،دلوقتى فى عهد عدلى منصور الشباب بس هو اللى متضايق،اما من تجاوز سن الشباب فهو شادد على نفسه الحزام لأنه عارف أن احنا فى خطر و لازم نسترجع ذكريات الشعب كان بيعمل إيه فى عهد الزعيم عبد الناصر،للأسف الشباب ده أتولد بعد عهد عبد الناصر.

ثورة 25 يناير،وقتها الإعلام شكر الشباب،بعدها جه مرسى،بعدها عمل شاب حركة 30 يونيو و شال مرسى،وقتها الإعلام فرح بالشباب،دلوقتى الإعلام بيشتم فى الشباب لأنه حمار و معندوش طموحات (ك_ا_ا_م)،طب ممكن تعلمونا لأن حضراتكم هتموتوا قريب (أى نعم الأعمار بيد الله،بس برده ناحد بالأسباب)

نتيجة لتلك الأخداث،لو لى حق التخمين هقول:-
هتحصل ثورة للشباب،و هيتشال كل الإعلامين إلا باسم يوسف،و هيبقى حمدين رئيس،و وقتها هيحصل إحتلال لمصر بسبب ضعف حمدين،وقتها هتسأل الناس الكبيرة إيه اللى عملناه علشان يحصل كده؟؟،الإجابة هى انت مهببتش حاجة

الحل علشان متحصلش مصيبة:
  1. أنشر المقالة دى لكل اللى حضرتك عارفه،و يا سلام لو لواحد صحفى أو مذيع.
  2. لازم يتعمل للشباب مجلة أو جريدة لنشر أفكاره.
  3. لازم يتعمل برنامج لتعليم السياسة للشباب و المتجاوزين لسن الشباب معنى السياسة.


ملحوظة:لو كتبت تعليق بإستخدام الفيس،ابقى قولى علشان مبيعتليش إشعار وقت الرد (لو حد يعرف يحل المشكلة يا ريت يساعدنى)

السبت، أبريل 05، 2014

36 مقال

السلام عليكم
نظرا لكثرة أصدقائى الجدد
هاجمع هنا كل المقالات اللى كتبتها من أول ما عملت مدونة مجرد... (مجرد-3-نقط)


ملحوظة المقالات قديمة فاهكتب التاريخ جنبها

1-عن الأرجوزات نتحدث
21 مايو 2013

2-خواطر كهربائية
22 مايو 2013

3-مقارنة بين إسلام و إسلام
12/6/13

4-و كله بما يرضى شرع الله
23/6/13

5-فى نقد المعارضة
24/6/13

6-تعصب
25/6/13

7-هى دى مصر يا عبلة
26/6/13

8-لماذا كرهت حكم الإخوان
30/6/13

9-تمرد غزة من وجهة نظر مصرى
19/9/13

10-مقارنة بين رجل المستحيل و طالب هندسة ج1
24/11/13

11-مقارنة بين رجل المستحيل و طالب هندسة ج2
1/12/13

12-مين اللى أكل الجبنة؟
7/12/13

13-تجنن (دعوة للكتابة)
14/12/13

14-لك يا سيدتى (يمنع أن يقرأه الرجال)
16/12/13

15-فى تحليل رسالة حب (يمنع أن تقرأه السيدات)
20/12/13

16-أول مرة أكتب (بقلم الأستاذة/م. جلال بحرى)
1/1/14

17-مصر أه مصر لا (بقلم الأستاذة/م. جلال بحرى)(أه هى قريبة للكاتب العظيم هشام جلال بحرى الله يرحمه)

1/1/14

18-عن الأرقام نتحدث (كان رقمى 13)

1/1/14

19-فى تمجيد لغتى العربية
6/1/14

20-لماذا على أن أثق بنفسى؟
15/1/14

21-لحظات للتأمل فى التدحرج بزجاجة الحياة (بقلم بنت خال حفيد أخو جدى/رضوى طمر)(مش روضى)
19/1/14

22-سلطة سياسية
22/1/14

23-ربع مشكل
22/1/14

24-كالمعتاد
25/1/14

25-نحن شعب يؤمن بثقافة الصينى
19/2/14

26-مقال للإنصاف (نصرة السيدات)
19/2/14

27-باسم يوسف مجدداً
22/2/14

28-هعمل نفسى إخوانى
24/2/14

29-حظ جيد أم مأساة (عن أصدقائى الأعزاء)(أصدقاء النت)
24/2/14

30-فى تحليل نشر الجهاز المعالج
3/3/14

31-عالم التناقض (بقلم صديقى أحمد)
8/3/14

32-سؤال بسيط جدا
8/3/14

33-خايف أكتب
8/3/14

34-حواء (بقلم الأستاذة/ماجدة)
15/3/14

35-رسالة إلى الإعلاميين
20/3/14

36-رسالة إلى أهل الدين
5/4/13

مجموعة ملحوظات:
ربما تختلف معى فى بعض النقط
ربما نتفق فى بعض النقط
و لكن نحن أصدقاء أعزاء فلا تنسى ذلك يا صديقى
:)

رسالة إلى أهل الدين



السلام عليكم

أعتقد أنه بعد الإنحلال الأخلاقى الموجود فى الشارع،علينا أن نسأل ما سبب تلك المشكلة،أكيد سبب تلك المشكلة هى الأفلام الهابطة الموجودة بالسوق السينمائى،لكن هذا عارض و ليس المرض الحقيقى،المرض الحقيقى هو بعدنا عن الدين سواء إسلامى أو مسيحى.

1-قدم طريقة نشر الدعوة:-
على الرغم من التطور الحالى،إلا أن طريقة نشر الدعوة ما زالت قديمة و لم تستطع أن تواكب التطور،هتقولى أن فى قنوات و برامج إسلامية على التلفزيون و الراديو صفح فيس و تويتر إلى أخر هذا الحديث،كلام حلو،بس سؤال صغير،عدد المتابعين تلك القنوات كام فى المية من شعب مصر؟،و كام واحد من اللى بيتفرج عليهم بينفذ كلامهم؟؟

2-قدم طريقة شرح الخطبة:-
دائما الشيخ او القسيس يقوم بشرح الخطبة او العظة معتمدا على ذكر سيرة السابقين،حلو جداً،لكن أليس من الأفضل أنه بعد ذكر سيرة السابقين يشرح طريقة تطبيقها فى الحياة؟؟؟

3-بعدنا عن كتاب الله:-
طبعا كلنا عندنا المصحف أو الكتاب المقدس كامل على الكمبيوتر أو الموبايل،بس بالأمانة كده سمعتهم كلهم،و لو سمعتهم كلهم بتسمعهم كل أد إيه،بلاش السيرة دى،طبعا عندنا كتب فى السنة و الأحاديث (لا أعلم المقابل بالنسبة للإخوة المسيحين)،فتحتهم؟؟،فهمتهم؟؟،حفظت أد إيه؟؟
4-تعامل الناس مع الدين كأنه عائق:-
للأسف ده حقيقة،المفروض من الدين أن ينظم العلاقة بين الناس،لكن نظرا لتأخر طريقةأدى ذلك إلى تعامل الناس مع الدين كأنه عائق،مش مصدقنى؟،أكيد شفت ناس بتسلم و تقول (ازيك يا ابن...) يقوم صاحبه يرد عليه (كويس يا ابن...)،طبعاً مش محتاج أقول أن النقط دى شتايم.

فى النهاية هذا عرض للمشكلة،فهل ستهتم به؟