السلام عليكم
إلى الأستاذ/باسم يوسف
أولا:أشكرك على البرنامج الرائع جداً
ثانياً:يا ريت تقرا الرسالة دى
أنا من المعجبين بالبرنامج بتاعك،لكن قررت أن أنقدك طبقا لأراء الأخرين،علشان هما شايفين أنك تافه و جاسوس،من ناحية جاسوس دى مش داخلة دماغى،من ناحية تافه لأنك بتنتقد (فى رأيهم) المشير/عبد الفتاح السيسى،مع أنى شايف أنك بتنقد المنافقين
لحد أخر حلقة (الحلقة المذاعة يوم 22 فبراير 2014) اتكلمت عن زيارة المشير لموسكو،و هاتك يا شتايم،دى بالفعل غلطة عليك،بس المشكلة أن أول ما روسيا وقفت جنبنا كنا أول ناس بتتكلم عن الأسلحة (المزز)
بس فكك من الحوار ده،أنت أكيد عشت فترة الرئيس عبد الناصر،شفت لمة الجماهير حوالين الرئيس عبد الناصر،و السبب أنهم حررهم من العبودية للباشاوات،نفس الحوار مع المشير السيسى،كلنا ألتفينا حواليه علشان حررنا من حكم الإخوان،و بالتأكيد زى كل البرامج أتكلمت حلو عن الرئيس عبد الناصر،فكل البرامج بتتكلم حلو عن المشير و كلنا بنتضايق لما حد يهين صورة و مكانة المشير.
حوار المنافقين خلاص كشفناه،فياريت تنقل لحاجة جديدة،و بلاش تريقة على إنجازات الجيش،و برده مش بقولك أتريق على الإخوان،عندك ألف مشكلة سواء ألتراس أو دكاترة أو اعتصامات إلى مالا نهاية.
بالمرة على حوار أبلة فاهيتا،هى مش ممكن تكون صدف أن بعد التويتة بتاعتها تحصل مصيبة على نفس وزن التويتة،لكن بالتأكيد مش هرضى بأهبل زى سبايدر يتكلم عن أبلة فاهيتا (أنا من أعضاء نادى محللى تويتات أبلة فاهيتا) و بلاش تريقة على النادى
لو أفتكرت أنا ضدك،أنا دافعت عنك قبل كده،أنا من مؤيدى السيسى رئيسا لمصر،بس يا رب يكون عنده خطة كويسة،و بكل تأكيد أنا ضد المنافق مصطفى بكرى و من على شاكلته.
بخصوص عبد الرحيم على،غالبا وراه المخابرات العامة المصرية،و المعلومات دى فرد عضلات،بمعنى أدق غيث من فيض.
من معجب ببرنامجك
أحمد رأفت أبو الرجال
0 comments:
إرسال تعليق