السبت، يوليو 05، 2014

ما فوق الحد

هناك ظواهر كثيرة فى حياتنا تجاوزت الحد المنطقى لها،و بسبب ذلك أصبحت تلك الظواهر تهدد شعب مصر خاصة و الشعب العربى عامة.

1-الإعلانات
المفروض ان الإعلان يكون بسيط و يوصل فكرة للمشاهد،لكن الإعلانات دلوقتى،غالبا الهدف منها ان صاحب الإعلان عايز يجوز بنته،فيعملها إعلان تتشهر بيه،و لا إعلان كيس ريحة (لولوا)،انا عارف ان البنات اكتر من الولاد،لكن الاقى ولاد ببتسهوك فى الإعلانات،ليه عايزين تتجوزوا،مش لا قيين بنات إزاى،و من هنا نستنج ان ثقافة الإعلان المصرى تتلخص فى البنات و السهوكة و رشة اغانى شعبى

2-الأغانى الشعبى
زمان كان المغنين الشعبين القدامى زى عدوية و حكيم و شعبان عبد الرحيم بيغنوا اغانى حلوة و بسيطة و جميلة،بعد كده نزل سعد الصغير باغانيه و دبانته و حماره و العنب،و بعد 25 يناير نزل اختراع جديد اسمه اوكا و اورتيجا و المدفعجية و الأغانى الراقية زى (اديك فى الأرض تفحر)،و طبعا مننساش الراقصات المحترمات جداً زى صافيناز
3-المسلسلات
زمان كانت المسلسلات زى الف ليلة و ليلة او تاريخى او بيعرض قضية زى يا رجال العالم اتحدوااو دراما و دلوقتى المسلسلات بقت كوميدية تافهة أوى أو هيفاء و روبى.يا حلاوة

4-القمامة
أوجد العبارة الخاطئة
1-نحن شعب يريد التطور
2-قال رسول الله صلى الله عليه و سلم (النظافة من الإيمان)صدق رسول الله صلى الله عليه و سلم

3- أَيُّهَا الأَحِبَّاءُ لِنُطَهِّرْ ذَوَاتِنَا مِنْ كُلِّ دَنَسِ الْجَسَدِ وَالرُّوحِ، مُكَمِّلِينَ الْقَدَاسَةَ فِي خَوْفِ اللهِ-------رسالة بولس الرسول الثانية إلى أهل كورنثوس 7: 1

4-نحن شعب متدين

مفيش حاجة غلط،دلوقتى نحط الصورة دى و دور على الغلط
(اطلب من سيادة الوزير المسئول عن النظافة،يحط ضريبة على النظاقة 2000 جنيه 

للمدينة القذرة و 200 جنيه على المدينة النظيفة)



الأضرار الناتجة من تلك الظواهر
*زيادة حالات التحرش،و ده متوقع من أفلام هابطة زى السبكى
*وفاة اشخاص بلا ذنب زى الطفلة زينب الله يرحمها
*الشباب و الأطفال حافظين أغانى للمدفعجية و اوكا
*زيادة انتشار الأمراض القاتلة

دلوقتى احنا عندنا طريقين،يا نحل المشكلة،يا تضيع مصر

------------------------------------------------------------------
ملحوظات ليس لها علاقة بالمقال
انا أحمد رأفت أبو الرجال (حفيد ابو الرجال) شاب،فبالتالى المدونة مش كلها سياسة و جد
السبت:مشكلة ملحوظة او تحدى
الاحد:مقال عادى
الاثنين:تجنن (لنشر اعمالك ارسلها على tagnn@outlook.com)
الثلاثاء:نشر افكار لشخص مصرى ممكن توافق عليها و ممكن لأ سيادة المواطن س
الاربعاء:مقال هرتلة
الخميس:مقال كوميدى

أعتقد ان كده تمام

Related Posts:

  • مقدمة الإجازة عائلتى العزيزة انا الحمد لله خدت براءة،و ده معناها انى فايق لكتابة المقالات الجديدة،و دى تقسيمة شبه متوقعة انى هطبقها من الاسبوع اللى جاى السبت: مقالات تأتى فى وقتها (اى فكرة او حاجة هلاحظها هكتب عنها) الاحد: مقالا… Read More
  • بعضٌ من السياسة  س1:ما معنى سياسة؟ ج1:تسيير امور الشعب س2:من المسؤل عن تسيير امور الشعب؟ ج2:الرئيس و الحكومة و مجلس الشعب  س3:كيف يساهم الشعب فى تسيير اموره؟ ج3:اختيار الرئيس و اعضاء مجلسمى الشعب اسف على الدخلة الغريبة … Read More
  • المتشدقين بالوطنية التشدق:هو اللت و العجن بالبلدى (التحدى مقدم من ا/اشرف و ا/مريم و الحوت، التقييم من 0 إلى 10) يوم 5/يوليو/2014 ارتفعت اسعار الوقود،و طبعا ده كان محور كلام أهل تويتر و الفيس،وقتها انقسم الكلام إلى اك… Read More
  • ما فوق الحد هناك ظواهر كثيرة فى حياتنا تجاوزت الحد المنطقى لها،و بسبب ذلك أصبحت تلك الظواهر تهدد شعب مصر خاصة و الشعب العربى عامة. 1-الإعلانات المفروض ان الإعلان يكون بسيط و يوصل فكرة للمشاهد،لكن الإعلانات دلوقتى،غالبا الهدف منها… Read More
  • اتانا رمضان و نحن تركناه شهر رمضان،كل سنة بنستناه بالفوانيس،كل سنة بنجهز نفسنا للطاعة و العبادة،بس ده كان زمان للأسف. *زمان:كانت الناس تنقسم إلى 3 أنواع 1-ناس بتصوم و تصلى و تقرأ القران و تصلى التراويح و تعمل و تساعد جيرانها (من دون الإهتمام… Read More

هناك تعليقان (2):

  1. الاعلانات انعكاس لتقدم الدولة.. اعلاناتك كلها استهلاكية يعني شعب استهلاكي ولم يتحول بعد لشعب انتاجي ..لان فيه فرق بين الصناعة والتصنيع يا باشمهندس
    الاغاني الشعبية الهابطة هي انعكاس لتطور الذوق في المجحتمع المملوء بانصاف المتعلمين وارباع القارئين واثمان البني ادمين واطفال الشوارع والعاطلين وخلافه..ودول اللي بيحبو الفن ده وافتكر فيلم الكيف..اديني في الهيافة وانا احبك يا فننس
    المسلسلات سبوبة بيعملها شوية متخلفين علشان ينشغل بيها متخلفين اوسع واكبر من اجل تسطيح افكار ورؤى شعب لسة ما تفطمش
    القمامة هي انعكاس لثقافة شعب ..ولن تخلقها فيهم الا بوضع غرامات باهظة علشان الكل يتعلم يكون نضيف مش بس في مظهره او شوارعه او مدينته بل في اخلاقه وده الاهم

    ان الله يزغ بالسلطان مالم يزغ بالقرآن ...فكر كويس في الجملة دي

    ردحذف
  2. الاعلانات انعكاس لتقدم الدولة.. اعلاناتك كلها استهلاكية يعني شعب استهلاكي ولم يتحول بعد لشعب انتاجي ..لان فيه فرق بين الصناعة والتصنيع يا باشمهندس
    الاغاني الشعبية الهابطة هي انعكاس لتطور الذوق في المجحتمع المملوء بانصاف المتعلمين وارباع القارئين واثمان البني ادمين واطفال الشوارع والعاطلين وخلافه..ودول اللي بيحبو الفن ده وافتكر فيلم الكيف..اديني في الهيافة وانا احبك يا فننس
    المسلسلات سبوبة بيعملها شوية متخلفين علشان ينشغل بيها متخلفين اوسع واكبر من اجل تسطيح افكار ورؤى شعب لسة ما تفطمش
    القمامة هي انعكاس لثقافة شعب ..ولن تخلقها فيهم الا بوضع غرامات باهظة علشان الكل يتعلم يكون نضيف مش بس في مظهره او شوارعه او مدينته بل في اخلاقه وده الاهم

    ان الله يزغ بالسلطان مالم يزغ بالقرآن ...فكر كويس في الجملة دي

    ردحذف