سؤال بسيط جدا

صديقى القارئ،ما الفارق بينك و بين المجموعة التى تخالفك سياسياً؟

سؤال بسيط،لكن إجابته غير بسيطة على الإطلاق

الإجابات كالاتى

1-أنا على حق و هو على باطل

هسألك على أساس إيه؟هتقولى اللى بيموت عندى نحتسبه عند الله من الشهداء.

فعلا كل الأطراف بتقول على اللى ماتوا من عندها من الشهداء،و اللى ماتو من الناحية التانية ولاد كلب.

2-أنا محترم و هو بيقل أدبه

فعلاً علشان كده بلاقى صفح الفيس و أكونتات تويتر بتنقط إحترام،مفيش شتايم بالأب و الأم،قمة الإحترام و التواضع فعلا.

طبعا انت عارف أن احنا بنشتم بعض بأوسخ الشتايم،طب سؤال لو احنا دخلنا حرب ضد ناس عايزين يحتلونا،تتوقع هنفوز و احنا بنكره بعض و ماسكين لبعض ذلة؟

3-إعلامى صادق و إعلامه مضلل

أنا معاك ان قناة الجزيرة و قنوات الإخوان اللى بتبث من القمر الإسرائيلى مضللة 100%،لكن مشكلة إعلامنا أنه مبيلمش كل الأطراف باستثناء (cbc extra,العربية)

مبيجبش رأى ده و لا يجيب الطرف ده و لا مشاكل ده،فده معناه ان كل القنوات للأسف مضللة،و اللى يضايق اكتر ميثاق الشرف الإعلامى اللى حاسس فيها بمصيبة سودا.

4-التحريض على العنف

أعترف أن أكثر التحريض على العنف يصدر من جانب الإخوان،و أنهم يفرحون عندما تدمر سيارة شرطة أو يقتل رجل جيش،و اذا طبقنا مبدأ(لكل فعل ردة فعل مساوى له فى القوة و مضاد له فى الإتجاه)فاحنا كمان بنفرح لما يتقبض على ناس منهم و بنتمنى أن الشرطة تضربهم بالرصاص الحى،أعلم أن هذا رد فعل طبيعى لغباء الإخوان،اذن فالاختلاف هنا فى مقدار التحريض.

5-هما بيطبلو و احنا مبنطبلش

لما بتحب واحد و تحترم رأيه،و بتعمل نشر و ريتويت للكلمتين اللى قالهم،يقوم الفريق يقول عليك مطبلاتى يا عبدة النظام،و اللى يحرقك أن كلنا بنعمل كده،ننشر للى بنحبه و نشتم الفريق الثانى و نقوله يا مطبلاتى

عايز الحقيقة،نحن لا نختلف عن أحد إلا فى عملنا،جميعنا نستهزئ بصور لأشخاص يحبون أن يكون على طبيعتهم بجمل مثل (علشانك يا منار....)،جميعنا نحب أن نستهزئ بخلق الله طالما لن يستهزئ بنا أحد،و الويل كل الويل للشخص الذى يستهزئ بنا،فعلا هذا هو الإخترام المتبادل.

و فى الخر يلا نبنى مصر،بعد كل ده و عندك أمل فى أن احنا نتحد و نبنى مصر،صعب جدا لكن مش مستحيل،الحل أن احنا نحترم جارنا و نحترم جميع الأراء المختلفة،وده هيحصل وقت.................(جاوب يا صديقى القارئ)